எழுத்துவர்த்தனம்

எழுத்துவர்த்தனம் என்பது சித்திரக்கவி வகைகளில் ஒன்று. பாடலில் எழுத்தின் விரிவு வளரும்.

எடுத்துக்காட்டு

மாத்திரை ஓரெழுத்துச் சொல்லும்,மற் றொன்று

நிரப்பிட நீரிற்பூ ஒன்றாம் – நிரப்பிய

வேறோர் எழுத்துய்க்க வீரரா சேந்திரனாட்(டு)

ஆறாம் எனவுரைக்க லாம்.

இதன் விரிவுப் பாங்கு

மாத்திரை ஓரெழுத்துச் சொல்லும் – கா

மற்றொன்று நிரப்பிட நீரிற்பூ ஒன்றாம் – காவி (என்னும் பூ)

நிரப்பிய வேறோர் எழுத்துய்க்க வீரராசேந்திரன் நாட்டு ஆறாம் - காவிரி

கருவிநூல்

• மு. அருணாசலம், தமிழ் இலக்கிய வரலாறு, பன்னிரண்டாம் நூற்றாண்டு இரண்டாம் பாகம், பதிப்பு 2005