துன் முத்தாகிர்

துன் முத்தாகிர்
துன் முத்தாகிர்
	Tun Mutahir
மலாக்கா சுல்தானகம்; 7-ஆவது பெண்டகாரா
	பதவியில்; 1500–1510
முன்னையவர்	துன் பெர்பாத்தே பூத்தே
பின்னவர்	பெண்டகாரா லுபோக் பத்து தெப்போக் பாடுக்கா துவான்

துன் முத்தாகிர் (மலாய் மொழி: Bendahara Sri Maharaja Tun Mutahir; ஆங்கிலம்: Tun Mutahir); என்பவர் மலாக்கா சுல்தானகத்தின் 7-ஆவது பெண்டகாரா எனும் முதலமைச்சர் பதவியை வகித்தவர். மலாக்காவில் பெண்டகாரா பதவி வகித்தவர்களில் துன் முத்தாகிர் சற்றே புகழ்பெற்றவர்.^[1]

இந்திய முஸ்லிம் சமூகத்தைச் சேர்ந்தவர். பெண்டகாரா பதவியை வகிப்பதற்கு முன்பு, அவர் தெமாங்கோங் (Temenggong) பதவியையும் வகித்தார். இவர் தெமாங்கோங் பதவியை வகித்த போது இவரை தெமாங்கோங் ஸ்ரீ மகாராஜா (Temenggung Seri Maharaja) என்று அழைத்தார்கள்.^[2].

தெமாங்கோங் பதவி ஓர் உயர்ந்த பதவியாகும். ஒரு சுல்தானகத்தில் ஒரு சுல்தானின் பாதுகாப்பு படையின் தலைவருக்கு வழங்கப்படும் பதவியாகும். சுல்தானின் நம்பிக்கைக்கு உரியவர்களுக்கு மட்டுமே அந்தப் பதவி வழங்கப்பட்டது.

பொது

துன் முத்தாகிர், மலாக்காவில் ஒரு செல்வாக்கு மிக்க இந்திய முஸ்லீம் தலைவராகவும் இருந்தார். மலாக்கா அரசாங்கத்தில் இந்திய முஸ்லிம்களை முக்கியமான பதவிகளுக்கு தேர்ந்தெடுக்கும் பொறுப்பும் அவருக்கு வழங்கப்பட்டு இருந்தது.

அவரின் தந்தையார் துன் அலி (Tun Ali); தாயார் துன் குடு (Tun Kudu). அவரின் தாயார்வழி பாட்டனாரின் பெயர் மணிபுரிந்தன் (Mani Purindan). தமிழ் வம்சாவளியைச் சேர்ந்தவர். தமிழ்நாட்டில் இருந்து வந்தவர். மணிபுரிந்தன் துன் ரத்னாவதியின் தந்தை ஆகும். அதாவது துன் முத்தாகிரின் தந்தையார் துன் அலியின் தாயார் தான் துன் ரத்னாவதி (Tun Ratna Wati). அவரின் தந்தைவழி பாட்டனார் பெண்டகாரா ஸ்ரீ அமார் ராஜா (Bendahara Sri Amar Diraja). பரமேசுவராவின் மருமகனார்.