லஸ்ஸி
| படிமம்:Salt lassi.jpg லஸ்ஸி வழங்கப்படுகிறது | |
| மாற்றுப் பெயர்கள் | லாச்சி, தக், சா |
|---|---|
| பரிமாறப்படும் வெப்பநிலை | பானம் |
| தொடங்கிய இடம் | இந்தியா |
| தொடர்புடைய சமையல் வகைகள் | இந்திய துணைக் கண்டத்தின் உணவு |
| பரிமாறப்படும் வெப்பநிலை | குளிர்ந்த நிலை |
| முக்கிய சேர்பொருட்கள் | தயிர், பாலாடை, நீர் மற்றும் மசாலாப் பொருள் |
| வேறுபாடுகள் | கச்சி லஸ்ஸி |
லஸ்ஸி (lassi) என்பது இந்தியாவில் தோன்றிய தயிர் அடிப்படையிலான ஒரு பிரபலமான பாரம்பரிய பானமாகும்.[1] [2] லஸ்ஸி என்பது தயிர், தண்ணீர், மசாலா மற்றும் சில நேரங்களில் பழங்களின் கலவைக் கொண்டு தயாரிக்கப்படும். உப்பு லஸ்ஸி என்பது தூக்கைப் போன்றது. [3][4] இனிப்பு மற்றும் மாம்பழ லஸ்ஸிகள் மில்க் ஷேக்குகள் போன்றவை. பாங் லஸ்ஸி என்பது கஞ்சாவுடன் மருந்து வடிவத்தில் அளிக்கப்படுகிறது. சாஸ் என்பது மெல்லிய நிலைத்தன்மையின் ஒத்த பானமாகும்.
வகைகள்
பாரம்பரிய உப்பு லஸ்ஸி
லஸ்ஸியின் பாரம்பரிய உப்பு வடிவம் இந்திய துணைக் கண்டத்தில் அதிகம் காணப்படுகிறது. சேர்க்கப்பட்ட உப்புடன் தண்ணீருடன் தயிரினை கலப்பதன் மூலம் இது தயாரிக்கப்படுகிறது. இதன் விளைவாக பானம் உப்பிட்ட லஸ்ஸி என்று அழைக்கப்படுகிறது. இது தூக் போன்றது.
இனிப்பு லஸ்ஸி
இனிப்பு லஸ்ஸி என்பது சர்க்கரை, பன்னீர் அல்லது எலுமிச்சை, இசுட்ராபெரி அல்லது பிற பழச்சாறுகளுடன் சுவைக்கப்படும் லஸ்ஸியின் ஒரு வடிவமாகும். குறிப்பாக விலை அதிகமான குங்குமப்பூ லஸ்ஸிகள் இந்தியாவில் ராஜஸ்தானிலும், குசராத்திலும் மேலும் சிந்துவிலும் சிறப்பானதாகும். மக்கானியா லஸ்ஸி என்பது வெறுமனே வெண்ணெய் கட்டிகளுடன் கூடிய லஸ்ஸி ( மக்கான் என்பது குசராத்தி, உருது, இந்தி, சிந்தி மற்றும் பஞ்சாபி போன்றவற்றில் வெண்ணையைக் குறிக்கும் ஒரு சொல்). இது பொதுவாக கிரீமி மில்க் ஷேக் ஆகும்.
மாம்பழ லஸ்ஸி
மாம்பழ லஸ்ஸி தயிர், பால் மற்றும் மாம்பழக் கூழ் ஆகியவற்றிலிருந்து தயாரிக்கப்படுகிறது. மேலும் இதில் சர்க்கரை சேர்க்கப்படலாம். தயிர், கிரீம் அல்லது ஐஸ்கிரீமுடன் கலந்த இனிப்பு கேசர் மாம்பழ கூழ் பயன்படுத்தி குளிர்ச்சியாக இது பரிமாறப்படுகிறது.
பாங் லஸ்ஸி
பாங் லஸ்ஸி என்பது ஒரு கஞ்சா-கலந்த பானமாகும், இது கஞ்சாவின் திரவ வடிவமான பாங்கைக் கொண்டுள்ளது. இது கஞ்சாவின் பிற உண்ணும் வடிவங்களைப் போலவே விளைவுகளைக் கொண்டுள்ளது. [5] இது இந்தியாவின் பல பகுதிகளில் சட்டபூர்வமானது. மேலும் முக்கியமாக ஹோலியின் போது விற்கப்படுகிறது. பாங் சேர்த்த பக்கோராக்களும் சில நேரங்களில் சாப்பிடப்படுகின்றன. உத்தரப் பிரதேசத்தில் உரிமம் பெற்ற பாங் கடைகள் இருப்பதாக அறியப்படுகிறது. மேலும் இங்கு பல இடங்களில் ஒருவர் பாங் தயாரிப்புகளை வாங்கி பாங் லஸ்ஸி குடிக்கலாம். [6]
சாஸ்
சாஸ் என்பது லஸ்ஸியைப் போன்ற ஒரு உப்பு கலந்த பானமாகும். ஆனால் லஸ்ஸியை விட அதிகமான தண்ணீரைக் கொண்டிருக்கலாம் மற்றும் அதன் நிலைத்தன்மையைக் குறைக்க பாலின் கொழுப்புப் பகுதி அகற்றப் பட்டு வழங்கப்படுகிறது. சுவைக்காக உப்பு, சீரகம் அல்லது புதிய கொத்தமல்லி சேர்க்கப்படுகிறது. சில இடங்களில் இஞ்சி மற்றும் பச்சை மிளகாய் சுவையூட்டலாக சேர்க்கப்படலாம். சாஸ் இந்தியாவில் பிரபலமாக உள்ளது. இது உணவு நேரத்தில் அல்லது அதற்குப் பிறகு அருந்தப்படும் ஒரு பொதுவான பானமாகும் .
மேலும் காண்க
குறிப்புகள்
- ↑ "Indian Lassi: The Ultimate Summer Refresher". Imbibe. Retrieved 29 May 2018.
- ↑ "Lassi". Encyclopædia Britannica.
- ↑ Tamime, A. Y., ed. (2008). Fermented Milks. John Wiley & Sons. p. 124. ISBN 9781405172387.
- ↑ Fatih, Yildiz (2010). Development and Manufacture of Yogurt and Other Functional Dairy Products. CRC Press. p. 10. ISBN 9781420082081.
- ↑ Staelens, Stefanie. "The Bhang Lassi Is How Hindus Drink Themselves High for Shiva". Vice.com. Retrieved August 10, 2017.
- ↑ Anthony Bourdain: No Reservations Collection 2, Episode 5; Final Segment.