கள்ளபார்ட் நடராஜன்
கள்ளப்பார்ட் நடராஜன், முன்னாள் தமிழ்த்திரைப்பட நடிகர் ஆவார். இளமையில் மேடை நாடகங்களில் கள்ளன் வேடங்களில் நடித்ததால், கள்ளப்பார்ட் இவரின் பெயருக்கு முன் அடைமொழியானது. பின்னர் வெள்ளித்திரையில் எதிர்மறைநாயகனாகவும், குணசித்திர நடிகராகவும், சிரிப்பு நடிகராகவும், நடன ஆடுபவராகவும் நூற்றுக்கும் மேற்பட்ட தமிழ்த்திரைப்படங்களில் நடித்தவர். [1] இவர் 1952-இல் பராசக்தி திரைப்படத்தில் முதன்முதலாக அறிமுகமானவர்.
தனியார் தொலைக்காட்சிகள் தமிழ்நாட்டிற்கு வருமுன்னர், இவர் சென்னைத் தொலைகாட்சியில் இருபதிற்கும் மேற்பட்ட தொடர்களில் நடித்தவர். சென்னைத் தொலைக்காட்சியில் ஒரு நேர்காணலின் போது, 27 மார்ச் 1996 அன்று தமது எழுபதாவது அகவையில் மறைந்தவர்.
இளமை
மேடை நாடகக் கலைஞர்களான இராமலிங்கம் - பரிபூரணத்தம்மாள் இணையருக்கு தஞ்சாவூரில் பிறந்ததவர் நடராஜன். நடராஜனும் தமது 10-வது வயதிலேயே நாடக நடிகரானார். நவாப் ராஜமாணிக்கம் நாடகக் குழுவில் 12 ஆண்டு காலம் பணிபுரிந்தார். ‘வள்ளித் திருமணம்’, ‘ராமாயணம்’ முதலான நாடகங்களில் நடித்தார்.. மேடை நாடகங்களில் கள்ளன் வேடத்தில் நன்கு நடித்ததால், கள்ளப்பார்ட் நடராஜன் என்று பெயர் பெற்றார்.
நடித்த புகழ்பெற்ற திரைப்படங்கள்
- பராசக்தி
- குமரிப் பெண்
- சபாஷ் மீனா
- கல்லும் கனியாகும்
- குமரிப் பெண்
- வண்ணக்கிளி
- ரிக்ஷாக்காரன்
- கெட்டிக்காரன்
- கண் திறந்தது
- நவராத்திரி
- தில்லானா மோகனாம்பாள்
- தெய்வப்பிறவி
- சக்கரவர்த்தித் திருமகள்
- குங்குமம்
- வண்ணக்கிளி
- குமுதம்
- கூண்டுக்கிளி
- மதுரை வீரன்
- ஒளி விளக்கு
- தேவர் மகன்
- மெட்ராஸ் டூ பாண்டிச்சேரி
விருதுகள்
- தமிழக அரசின் கலைமாமணி’ விருது (1990)