imported>பாஸ்கர் துரை: /* வடநாட்டில் பேசப்பட்ட மொழி */தமிழைச் செம்மை செய்தல்

2021-11-10T19:29:27Z

வடநாட்டில் பேசப்பட்ட மொழி: தமிழைச் செம்மை செய்தல்

புதிய பக்கம்

{{unreferenced}}
எல்லா மொழியிலும் அயன்மொழிச் சொல்லின் பரிமாற்றம் நிகழும். இந்தப் பரிமாற்றத்தால் தமிழில் வந்தேறியதே '''வடசொல்'''.

தமிழ்நாட்டில் வழங்கப்பட்ட செஞ்சொல்லை [[இயற்சொல்]] என்றும், ஒரு சொல்லுக்குப் பல பொருளும், பல சொல்லுக்கு ஒருபொருளும் தந்து செய்யுளுக்காகத் திரித்துக்கொண்ட சொற்களைத் [[திரிசொல்]] என்றும், தமிழகத்தைச் சூழ்ந்த 17 நாடுகளில் பேசப்பட்ட தமிழ்ச்சொல்லைத் [[திசைச்சொல்]] என்றும், வடநாட்டில் பேசப்பட்ட மொழிச் சொற்களை வடசொல் என்றும் தமிழ் இலக்கண நூலார் பகுத்துக்கொண்டுள்ளனர்.

==வடநாட்டில் பேசப்பட்ட மொழி==
வடநாட்டின் பழமையான கல்வெட்டுகள் [[அசோகர்|அசோகன்]] காலத்தவை. அந்த எழுத்துகளைப் [[பிராமி]] என்கின்றனர். காலம் கி.மு. 3-ஆம் நூற்றாண்டு. [[சிந்துவெளி நாகரிகம்|சிந்துவெளி]] முத்திரை எழுத்துகளைப் பிராமி எழுத்துகளாகக் கொண்டு படிக்க முயன்றுள்ளனர். சிந்துவெளி நாகரிகம் கி.மு. 3300-1300. பிராமி எழுத்துகளாகப் படிக்கும் முயற்சி முழுமை பெறவில்லை. தமிழ்நாட்டுக் கற்காலப் பானை ஓடுகளில் காணப்படுபவை தமிழ்ப்பிராமி எழுத்துகள். இவற்றை நாம் [[தமிழி]] அல்லது தாமிழி என்னும் பெயரால் வழங்கிவருகிறோம். தமிழ்நாட்டுக் கல்வெட்டுகளிலும் இந்த எழுத்துகள் பயன்படுத்தப்பட்டுள்ளன. இங்கெல்லாம் பயன்படுத்தப்பட்டுள்ள மொழி தமிழ்.

அசோகன் பயன்படுத்திய எழுத்துகளைத் தொடக்கத்தில் படித்தவர்களில் ஒருவரான அலெச்சாண்டர் கன்னிங்காம் இதில் பயன்படுத்தப்பட்டுள்ள மொழி [[பிராகிருதம்]] என்கிறார். அது பஞ்சாபி மொழியோடு தொடர்புடையது என்பது அவர் கருத்து. இதனைப் [[பாலி]] மொழி என்றும் கூறுகின்றனர்.

[[இருக்கு வேதம்]] வழிபாட்டு மொழி சமசுகிருதம். இந்த வேதம் கி.மு. 1500 காலத்தது என்று கூறுகின்றனர். இந்த மொழி ஆரியர் பேசிய மொழி. எனவே இதனைத் தமிழ் இலக்கண உரையாசிரியர்கள் '''ஆரியம்''' என்னும் சொல்லால் குறிப்பிடுகின்றனர்.

இந்த [[ஆரியம்|ஆரியச்சொல்]] தமிழில் ஒலிமாற்றம் செய்யப்பட்டதாகும். இதுவே தொல்காப்பியர் கூறும் வடசொல்.

==வடசொல் எடுத்துக்காட்டுகள்==
தொல்காப்பிய, நன்னூல் உரையாசிரியர்கள் அவரவர் பார்வையில் வடசொல் என்று சொற்களைப் பட்டியலிட்டுள்ளனர். <br />
இவை சமற்கிருதத்திலிருந்து தமிழுக்கு வந்தவை. அவற்றுள் சில இங்கு அகரவரிசை செய்யப்பட்டு முன்வைக்கப்படுகின்றன.
:அமலம், அரன், அரி, அவை, உற்பவம், கமலம், காரகம், காரணம், காரியம், காலம், குங்குமம், சத்திரம், சயம், சாகரம், சுகி, ஞானம், நேயம், தசநான்கு, தமாலம், தாரம், திலகம், நட்டம், நிமித்தம், போகி, மூலம், மேரு, யானம், இயோனி, வேணு என்று உரையாசிரியர்கள் காட்டும் வடசொல் பட்டியல் நீள்கிறது.

:கந்தம், சாகரம் – பாகதப் பதிவாகி வந்தவை, நட்டம் – பாகத மொழியிலிருந்து வந்தது, <ref>தொல்காப்பிய உரை, தெய்வச்சிலையார்</ref>

நீர், பட்டினம், பவளம், மானம், மீனம், முத்து, வட்டம், வரி, வீரம் முதலான தமிழ்ச்சொற்களையும் உரையாசிரியர்கள் வடசொல் பட்டியலில் சேர்த்திருக்கின்றனர்.

==நன்னூல் விளக்கம்==
# அமலம், காரணம் – வடமொழி எழுத்துக்கும், தமிழ் எழுத்துக்கும் பொதுவான எழுத்தால் இயைந்தவை
# சுகி, போகி, சுத்தி – வடமொழி சிறப்பெழுத்தால் இசைந்தவை
# அரன், அரி, சயம் – ஈரெழுத்தானும் அமைந்தவை

== இவற்றையும் பார்க்க ==

==அடிக்குறிப்பு==
{{Reflist}}

[[பகுப்பு:சொல்லிலக்கணம்]]

வடசொல் - திருத்த வரலாறு

imported>பாஸ்கர் துரை: /* வடநாட்டில் பேசப்பட்ட மொழி */தமிழைச் செம்மை செய்தல்