imported>Alangar Manickam: /* மார்கழியின் சிறப்பு */

2026-02-20T20:46:05Z

மார்கழியின் சிறப்பு

புதிய பக்கம்

[[படிமம்:Month Markali.jpg|thumb|300px|right|மார்கழி மாதத்தில் சூரியனின் நிலை.]]

[[சூரியமானம்|சூரியமான]] முறையில் கணிக்கப்படும் தமிழ் காலக் கணிப்பு முறைப்படி ஆண்டின் ஒன்பதாவது [[மாதம்]] '''மார்கழி''' ஆகும். சூரியன் [[தனுசு (சோதிடம்)|தனு இராசியுட்]] புகுந்து அதைவிட்டு வெளியேறும் வரையிலான 29 [[நாள்]], 20 [[நாடி]], 53 [[விநாடி]] கொண்ட கால அளவே இம் மாதமாகும். வசதிக்காக இந்த [[மாதம்]] 29 நாட்களை உடையதாகக் கொள்ளப்படும்.

== கால நிலை ==
குளிர் காலத்தின் துவக்கமாக மார்கழி மாதம் கருதப்படுகிறது. பூமியின் வடகோளப்பகுதியில் உள்ளோருக்கு திசம்பர், சனவரி, பிப்ரவரி மாதங்கள் குளிர்காலங்களாகும். குளிர்காலத்தின் துவக்கம் திசம்பர் 21 - 22 தேதிகளில் துவங்குகிறது.

குளிர்காலத்தின்போது துருவப்பகுதிகள் மிகக் குளிர்ந்து இருக்கும். அங்கு சில மாதங்கள் சூரியனைத் தொடர்ந்து காண முடியாது. அப்போது வறண்ட குளிர்காற்று அந்தப் பகுதியிலிருந்து தெற்குப்பகுதி நோக்கி வீசத்துவங்கும். ஆகையால் தென்பகுதிகளின் வானிலை வெப்பநிலை மற்றும் பகற்பொழுதின் அளவும் மாறுபடத் துவங்குகின்றன. பூமத்திய ரேகையை ஒட்டிய வெப்பமண்டல பிரதேசங்களில் நிலவும் வெப்பநிலையில் அதிக மாறுதல் ஏற்படுவதில்லை என்றாலும், மழை பொழிவின் காரணமாக சில பகுதிகளில் ஈரமிக்கதாகவும் மற்றபகுதிகளில் வறண்டும் காணப்படும்.<ref>அனைவருக்கும் கல்வி இயக்கம் - தமிழ்நாடு அறிவியல் இயக்கத்தின் அனுமதி வெளியீட்டு நுால் 2010 - எதனாலே ? எதனாலே ? எதனாலே ?</ref>

== மார்கழியின் சிறப்பு ==
மார்கழி மாதத்தை [[சைவ சமயம்|சைவர்கள்]] ''தேவர் மாதம்'' என்று குறிப்பிடுவர். அதாவது கடவுளை வழிபடும் மாதமாகும். இறைவனை வழிபடுவதற்காக இம்மாதம் ஒதுக்கபட்டுள்ளதால் இம்மாதத்தில் எவ்வித மங்கல நிகழ்ச்சிகளும் நடத்தப்படுவதில்லை. [[திருவெம்பாவை விரதம்|திருவெம்பாவை விரத]] காலத்தில் சைவர்கள் வீதி தோறும் [[திருவெம்பாவை]], [[திருப்பள்ளியெழுச்சி]] பாடல்களைப் பாடிக்கொண்டும் ஒவ்வொரு பாடல் முடிவிலும் [[சங்கு]] ஊதிக்கொண்டும் [[கோயில்|ஆலயங்களுக்குச்]] செல்வர். [[விட்டுணு]] ஆலயங்களில் மார்கழி மாதம் முழுவதும் [[திருப்பாவை]] பாடுவர்.

இந்த மாதத்தில் [[திருப்பதி]] [[திருமலை]]யில் காலையில் [[சுப்ரபாதம்]] பாடுவதற்கு பதிலாக ஆண்டாளின் [[திருப்பாவை]] பாடுவார்கள். இந்த மாதத்தில் எல்லா [[விஷ்ணு|பெருமாள்]] கோயில்களிலும் சுப்ரபாதத்துக்கு பதில் திருப்பாவை பாடுவார்கள். வைணவ ஆலயங்களில் "வைகுண்ட ஏகாதசி" திருவிழா மிகவும் விமரிசையாகக் கொண்டாடப்படுகிறது. அன்று சொர்க்கவாசல் எனப்படும் பரமபத வாசல் திறக்கப்பட்டு பக்தர்கள் தரிசனம் செய்கின்றனர். சைவத் தலங்களில் சிவபெருமானின் நடராஜர் கோலத்திற்கு ஆருத்ரா தரிசனம் எனும் விழா சிறப்பாகக் கொண்டாடப்படுகிறது.

கலை மற்றும் கலாச்சார ரீதியாக மார்கழி மாதம் மிக முக்கியமானது. சென்னையில் ஒவ்வொரு ஆண்டும் இம்மாதத்தில் புகழ்பெற்ற "மார்கழி இசை மற்றும் நடனத் திருவிழா" நடைபெறுகிறது. உலகெங்கிலும் உள்ள கர்நாடக இசை மற்றும் பரதநாட்டியக் கலைஞர்கள் இதில் பங்கேற்கின்றனர். மேலும், வீடுகளின் வாசல்களில் பெண்கள் வண்ணமயமான கோலமிட்டு, அதன் நடுவில் பரங்கிப் பூவை வைக்கும் மரபு இன்றும் கிராமங்களில் பின்பற்றப்படுகிறது. அதிகாலைக் குளிரில் பஜனைப் பாடல்கள் பாடி வீதிகளில் உலா வரும் "பஜனை" முறையும் இம்மாதத்தின் அடையாளமாகும். மார்கழி மாதத்தின் இறுதியில் தட்சிணாயன காலம் முடிந்து, தை மாதத்தில் உத்தராயண காலம் தொடங்கும் நிகழ்வு இயற்கை மாற்றத்தின் அடையாளமாகக் கருதப்படுகிறது.

பகவத் கீதையில் கண்ணன் "மாதங்களில் நான் மார்கழியாக இருக்கிறேன்" என்று கூறியுள்ளதால், இது மிகவும் புனிதமான மாதமாகக் கருதப்படுகிறது.

==தமிழ் மாதங்கள்==
{{வார்ப்புரு:தமிழ் மாதங்கள் பட்டியல்}}

== இவற்றையும் பார்க்கவும் ==
* [[சந்திர மாதம்]]
* [[காலக்கணிப்பு முறைகள்]]
* [[இந்திய வானியல்]]

== மேற்கோள்கள் ==
<references />

== வெளியிணைப்புகள் ==
*[http://www.chennaiiq.com/astrology/english_date_to_tamil_date_conversion.asp ஆங்கில தேதியிலிருந்து தமிழ் தேதி வருவித்தல்]
*[http://www.chennaiiq.com/astrology/tamil_calendar.asp தமிழ் நாட்காட்டி]

{{நேரம்}}
{{தமிழ் மாதங்கள்}}
{{தமிழ் நாட்காட்டி}}
{{இந்து சோதிடம்|state=expanded}}

[[பகுப்பு:தமிழ் மாதங்கள்]]

மார்கழி - திருத்த வரலாறு

imported>Alangar Manickam: /* மார்கழியின் சிறப்பு */