imported>எஸ். பி. கிருஷ்ணமூர்த்தி: /* மேற்கோள்கள் */

2022-05-30T16:05:04Z

மேற்கோள்கள்

புதிய பக்கம்

'''பரோர்''' ''(ஆங்கிலம்: Baror, இந்தி மற்றும் ராசத்தானி: बरोर, பஞ்சாபி: ਬਰੋਰ)'' [[இந்தியா]]வின் [[இராஜஸ்தான்]] மாநிலத்திலுள்ள [[ஸ்ரீ கங்காநகர் மாவட்டம்|சிறீ கங்காநகர் மாவட்டத்தில்]] அமைந்துள்ள பண்டைய [[சிந்துவெளி நாகரிகம்|சிந்துவெளி நாகரீகத்தின்]] தொல்லியல் களமாகும். [[அரப்பா]] மற்றும் அரப்பாவுக்கு முந்தைய காலத்து மட்பாண்டங்கள் அகழ்வாராய்ச்சிக்குப் பின் இங்கு கண்டுபிடிக்கப்பட்டுள்ளன <ref name="Baror">{{cite web|url=http://www.asijaipurcircle.nic.in/Baror%20-%20Ancient%20mound.html|title=Baror|publisher=Archaeological Survey of India, Jaipur Circle|date= |accessdate=5 January 2013}}</ref>.

== அமைவிடம் ==

இராஜஸ்தான் மாநிலத்தின் [[தார் பாலைவனம்|தார் பாலைவனத்தில்]], இந்திய-பாகிஸ்தான் பன்னாட்டு எல்லைப்புறத்தில் உள்ள [[ஸ்ரீ கங்காநகர் மாவட்டம்|சிறீ கங்காநகர் மாவட்டத்தின்]] தெற்கு பகுதியில் அனுப்கார்-இராம்சிங்பூர் சாலையில் பரோர் தொல்லியல் தளம் அமைந்துள்ளது.

== கண்டுபிடிப்பு ==

வரலாற்றுக்கு முந்தையத் தளமான பரோர் 1916-17 காலகட்டத்தில் [[லூய்கி பியோ டெசிடிட்டோரி]] (1887-1919) இத்தாலிய இந்தியவியல் அறிஞரால் கண்டுபிடிக்கப்பட்டது. இந்தியா சுதந்திரம் அடைந்த பின்னர் அம்லானந்து கோசு (இந்தியாவின் தொல்பொருள் ஆய்வுக் கழகம், அல்லது ஏ.எசு.ஐ.யின் முன்னாள் இயக்குநர்) என்பவரால் இந்த தளத்தில் விரிவான ஆய்வுகள் நடத்தப்பட்டன. 2003-04 ஆம் ஆண்டில் இந்திய தொல்பொருள் ஆய்வக அகழ்வாய்வு கிளை -3, பாட்னா சரசுவதி மரபுரிமை திட்டத்தின் கீழ் அகழ்வாய்வைத் தொடங்கியது. 400 × 300 சதுர பரப்பளவுள்ள பகுதி அகழ்வாராய்ச்சிக்காக எடுத்துக் கொள்ளப்பட்டது. 2006 – 2007 ஆண்டு காலத்தில் பளிங்குக்கல் வீடுகள், சாலைகள், தெருக்கள் முதலியன கண்டறியப்பட்டன.

== அகழ்வாய்வுகள் ==

அரப்பா மற்றும் அராப்பாவுக்கு முந்தைய கால மட்பாண்டங்கள் தொல்பொருள் அறிஞர்களால் இங்கு கண்டறியப்பட்டன. வட்ட மற்றும் முக்கோண சுடுமண் சிலைகள், துளையிட்ட அலங்கார வட்ட மணிகள் மற்றும் இடைவெளி நிரப்பிகள் பீங்கான் அலங்காரப் பொருட்கள் போன்றவை சில உதாரணங்களாகும்.
* 1. அலங்கார நகைகளுடன் இருந்த ஒரு மனித எலும்புக்கூடு இங்கு கிடைத்தது.
* 2. இரண்டு கற்கள் உராய்வின் பின்னர் சிவப்பு நிற நீர்மம் உருவாவதாகக் கண்டறியப்பட்டது.
* 3. 5 மீட்டர் நீளமும் 3 மீட்டர் அகலமும் கொண்ட ஒரு களிமண் அடுப்பு கண்டுபிடிக்கப்பட்டது.
* 4. 8000 முத்துகளால் நிரப்பப்பட்ட ஒரு குடம் இங்கு காணப்பட்டது.<ref name="Baror near Ramsinghpur">{{cite news|title=Baror near Ramsinghpur|work=Rajasthan Patrika newspaper |date=19 June 2006 |accessdate=19 June 2006}}</ref>
==இதனையும் காண்க==
* [[சிந்துவெளி நாகரிகத்தின் தொல்லியல் களங்கள்]]

== மேற்கோள்கள் ==
{{reflist}}
{{Indus Valley Civilization}}
[[பகுப்பு:இராசத்தான் தொல்லியற்களங்கள்]]

[[பகுப்பு:இந்தியத் தொல்லியற்களங்கள்]]
[[பகுப்பு:சிந்துவெளி நாகரிகத்தின் தொல்லியல் களங்கள்]]

பரோர் - திருத்த வரலாறு

imported>எஸ். பி. கிருஷ்ணமூர்த்தி: /* மேற்கோள்கள் */