01:35, 28 அக்டோபர் 2025 இல் imported>அனிதா தமிழாசிரியர்

2025-10-28T01:35:10Z

புதிய பக்கம்

{{தகவற்சட்டம் இசைக்கருவி
|name=தவில்
|names=
|image=Tavil, தவில், തവിൽ.jpg
|classification= [[கொட்டு இசைக்கருவி]], ஆட்டுத்தோலால் ஆனது.
|range=Bolt tuned or rope tuned with dowels and hammer </div>
|related=[[மிருதங்கம்]], [[உறுமி மேளம்|உறுமி]]
}}
'''தவில்''' என்பது [[நாதஸ்வரம்|நாதஸ்வரத்திற்குத்]] துணையாக வாசிக்கப்படும் [[தாளம்|தாள]] [[இசைக்கருவி]]யாகும். [[கர்நாடக இசை]]க்கும் [[கிராமிய இசை]]க்கும் இது பயன்படுத்தப்படுகிறது. இது தோம்பு உருவத்தில் மரத்தால் செய்யப்பட்டிருக்கும். விழாக்காலங்களிலும்,திருமணம், குழந்தைக்குக் காது குத்தல் போன்ற நன்நிகழ்ச்சிகளிலும் இதன் பயன்பாடு அதிகம். [[விலங்கு|விலங்கின்]] [[தோல்|தோலால்]] இழுக்கப்பட்டு வளையத்தைக் கொண்டு ஓட்டில் கட்டப்படிருக்கும் இந்தக் கருவியில் ஒரு பக்கம் மறு பக்கத்தைவிடச் சற்று பெரியதாக இருக்கும். தவில் வாசிப்பவர் ஒரு தோல் [[கயிறு|கயிற்றால்]] தனது தோளின் மீது தவில் கருவியை மாட்டி முழக்குவார். சிறிய பக்கத்தில் மரத்தால் செய்யப்பட்ட குச்சியினாலும் பெரிய பக்கத்தை விரல்களாலும் முழக்குவர். விரல்களில் அரிசிக் கூழால் செய்யப்பட்டு உலர்த்தப்பட்ட கவசங்கள் அணிந்திருப்பார்கள். பெரும்பாலான தவில் கலைஞர்கள் சிறிய பக்கத்தை வலது கையால் குச்சி கொண்டும் பெரிய பக்கத்தை இடது கையால் கவசம் அணிந்த விரல்களைக் கொண்டும் முழக்குவர். எனினும், இடது கையால் குச்சியையும் வலது கையால் விரல்களையும் பயன்படுத்தும் கலைஞர்களும் இருக்கிறார்கள்.

== தவில் பாகங்கள் ==
தவிலின் உருளை வடிவிலான பகுதி பலா மரத்தினால் செய்யப்படுகிறது .இதன் சிறிய பக்கத்தில் இருக்கும் தோல் வளந்தலை என்று கூறப்படும். இது எருமைக்கன்றின் தோலால் செய்யப்படுகிறது .இதன் பெரிய பக்கத்தில் உள்ள தோல் தொப்பி என்று வழங்கப்படுகிறது. இது ஆட்டின் தோலினால் செய்யப்படுகிறது. இந்த தோலை தாங்கிப் பிடிக்கும் வளையங்கள் இரு பக்கமும் உண்டு. அவை மூங்கிலால் செய்யப்பட்டன.அந்த வளையங்கள் விரைவாக உடைவதால் தற்போது உருக்கு உலோகத்தால் செய்யப்படுகிறது .தோல் கயிறு கொண்டு கட்டப்பட்ட பகுதிகள் உருக்கு உலோகத்தால் செய்யப்படும் ஆணிகள் கொண்டு முடுக்கி விடப்படுகிறது .தவிலின் உருளை வடிவின் வெளிப்புறத்தில் உருக்கு உலோகத்தால் செய்யப்பட்ட வளையங்கள் இரண்டு பொருத்தப்படுகின்றன. அவற்றில் 22 துளைகள் உள்ளன. ஒவ்வொன்றிலும் 11 துளைகள் இருக்கும். ஒன்று சிறிய பக்கத் தோலைத் தாங்கி பிடித்து இருக்கும்; மற்றொன்று பெரிய பக்கத் தோலைப் பிடித்து இருக்கும் .இதனால் அவற்றில் எதாவது ஒரு பக்கம் கிழிந்து விட்டால் எளிதில் மாற்ற முடியும். முற்காலங்களில் இருபக்கமும் தோல் கயிற்றால் இணைக்கப்பட்டதால் ஒரு பக்கம் கிழிந்தாலும் இரண்டு பக்கத்தையும் கழற்றிப் பின் சரி செய்யும் முறை இருந்தது.
<ref>http://www.thehindu.com/todays-paper/tp-national/thavils-evolution-leads-to-naadam-dilution/article4257603.ece</ref>
<ref>http://www.thehindu.com/todays-paper/tp-national/tp-tamilnadu/hailed-for-his-sound-contribution/article5084137.ece</ref>

[[படிமம்:Making-music instrument-India-Tamilscan4.1.jpg|thumb|center|300px|தவில் செய்யும் கலைஞர்கள்]]

== தவில் இசை ==
தவில் வாசிப்பதற்கு அடிப்படை இசையாவன:
# தா தி தொம் நம் ஜம்
# தா தி தொம் நம் கி ட ஜம்

== வரலாறு ==
தவில் வாத்தியம் எப்போது உருவானது, எப்போது பாவனைக்கு வந்தது என்பதற்கு எவ்வித ஆதாரமும் இல்லை. ஆனால் 15-ஆம் நூற்றாண்டில் அருணகிரிநாதர் பாடிய திருப்புகழில் 12 இடங்களில் தவில் பற்றிக் குறிப்பிடப்பட்டுள்ளது. மேலும் புராணங்கள், இதிகாசங்களில் டின்டிமம் என்னும் ஒரு தாள வாத்தியம் பற்றி கூறப்பட்டுள்ளது. இது ஒரு பக்கம் குச்சியாலும் மறுபக்கம் கையாலும் முழக்கப்படும் பறை என குறிப்பிடப்பட்டுள்ளதாக தஞ்சாவூர் சரஸ்வதி மகால் நூல்நிலையத்தில் உள்ள நூல்களில் எழுதப்பட்டுள்ளது.<ref>இத் தகவல் 14 மார்ச் 2014 பொதிகை தொலைக்காட்சியில் ஒளிபரப்பான 'மங்கல இசை' என்ற நிகழ்ச்சியில் கூறப்பட்டது.</ref>

== தவிலின் தனிச்சிறப்பு ==
கருநாடக இசைக் கச்சேரிகளில் பிரதான பாடகர் தான் முதலில் தொடங்குவார். பக்கவாத்தியம் பின்தொடரும். வயலின், புல்லாங்குழல், வீணை போன்ற வாத்தியங்களின் தனிக் கச்சேரியிலும் அந்தந்த வாத்தியங்கள் தான் தொடங்கும். [[நாதசுவரம்|நாதசுவரக்]] கச்சேரிகளில் நாதசுவரம் தான் பிரதான வாத்தியம்; தவில் பக்கவாத்தியம். ஆனால் நாதசுவரக் கச்சேரி தொடங்கும்போது தவில் வாசிப்போடு தான் தொடங்கும். இது தவில் வாத்தியத்தின் தனிச் சிறப்பு.

== புகழ் பெற்ற தவில் கலைஞர்கள் ==
# [[நீடாமங்கலம் மீனாட்சி சுந்தரம் பிள்ளை]]
# மலைக்கோட்டை பஞ்சாபகேச பிள்ளை
# [[திருமுல்லைவாயில் முத்துவீர் பிள்ளை|திருமுல்லைவாயில் முத்துவீரு பிள்ளை]]
# கும்பகோணம் தங்கவேல் பிள்ளை
# திருநகரி நடேச பிள்ளை
# [[நாச்சியார்கோயில் என். பி. இராகவப்பிள்ளை]]
# [[வலங்கைமான் ஏ. சண்முகசுந்தரம் பிள்ளை]]
# [[நீடாமங்கலம் சண்முகவடிவேல் பிள்ளை]]
# [[யாழ்ப்பாணம் தட்சிணாமூர்த்தி பிள்ளை]]
# [[வலயப்பட்டி ஏ. ஆர். சுப்பிரமணியம்]]
# [[அரித்துவாரமங்கலம் ஏ. கே. பழனிவேல்]]
# [[திருவாளப்புத்தூர் டி. ஏ. கலியமூர்த்தி]]
# அம்மாப்பேட்டை பக்கிரிப்பிள்ளை
# [[அம்மாசத்திரம் கண்ணுசுவாமி பிள்ளை|அம்மா சத்திரம் கண்ணுசாமி பிள்ளை]]
# திருக்கடையூர் சின்னையா பிள்ளை
# [[திருவாளப்புத்தூர் பசுபதிப் பிள்ளை]]
# [[திருவாளப்புத்தூர் டி. ஏ. கலியமூர்த்தி]]
# தஞ்சை கோவிந்தராசன்
# வேதாரண்யம் பாலு
# திருவிழா ஜெய்சங்கர்

== இதனையும் காண்க ==
* [[மங்கல இசை]]
* [[தவில் கலைஞர்களின் பட்டியல்]]

== மேற்கோள்கள் ==
{{Reflist}}

== வெளி இணைப்புகள் ==
* [http://tamil.thehindu.com/general/art/மல்லாரிகளின்-கம்பீரம்/article5204119.ece மல்லாரிகளின்-கம்பீரம்]
* [http://www.dinamani.com/latest_news/2013/10/12/ஸ்ரீநடராஜர்-கோயிலில்-நாதனு/article1833034.ece ஸ்ரீநடராஜர் கோயிலில் "நாதனும், நாதமும்" வீடியோ குறுந்தகடு வெளியீடு!]
* [http://www.bbc.com/tamil/india/2015/09/150913_nagaswaramseries1 மறைந்து வரும் மங்கல இசை:சிறப்புத் தொடர் முதல் பகுதி]
{{தமிழிசைக் கருவிகள்}}

[[பகுப்பு:தாள இசைக்கருவிகள்]]
[[பகுப்பு:தவில்]]
[[பகுப்பு:தோற் கருவிகள்]]
[[பகுப்பு:தமிழர் இசைக்கருவிகள்]]
[[பகுப்பு:கருநாடக இசைக்கருவிகள்]]

தவில் - திருத்த வரலாறு

01:35, 28 அக்டோபர் 2025 இல் imported>அனிதா தமிழாசிரியர்