imported>AntanO: துப்புரவு

2023-12-18T12:28:38Z

துப்புரவு

புதிய பக்கம்

{{இந்து சமயம்}}

'''தவம்''' (Tapas), ஆன்மீக முன்னேற்றத்திற்காக உடலாலும், வாக்காலும், மனதாலும் செய்யப்படும் அனைத்து [[சத்துவ குணம்|சாத்விகமான]] ஆன்மீக சாதனைகளும் தவம் எனப்படும். உடலையும், மனதையும் உருக்கி செய்யப்படும் [[நோன்பு]], [[தியானம்]], [[விரதம்|விரதங்கள்]], பாதயாத்திரை, [[தீர்த்த யாத்திரை]], [[பூஜை]], [[ஜெபம்]], [[ஓதுதல்]] முதலியன தவத்திற்கு சில எடுத்துக்காட்டுகள் ஆகும்.

== பகவத் கீதையில் தவம் ==
[[பகவத் கீதையின் சாரம்|பகவத் கீதையின்]] 17-வது அத்தியாயமான, சிரத்தாத்திரய விபாக யோகத்தில், [[கிருஷ்ணன்|கிருஷ்ணர்]], [[ஆத்ம ஞானம்|ஆத்ம ஞானத்தை]] அடையத் தேவையான தகுதிகளில் ஒன்றான தவத்தை, [[சத்துவ குணம்|சாத்விக]] தவம், [[இராட்சத குணம்|இராட்சத]] தவம் மற்றும் [[தாமச குணம்|தாமச]] தவம் என மூன்றாக பிரித்து [[அருச்சுனன்|அருச்சுனனுக்கு]] கூறுகிறார்.
* சாத்வீக தவம் - ஆன்மீக முன்னேற்றத்திற்கு மட்டுமே செய்வது [[சத்துவ குணம்|சாத்வீக]] தவமாகும். (எடுத்துகாட்டு: [[ஆத்ம ஞானம்|ஆத்ம ஞானத்திற்காக]] செய்யப்படும் தவம்)
* இராட்சத தவம் - தனது நன்மைக்கு மட்டுமே செய்வது [[இராட்சத குணம்|இராட்சத]] தவமாகும். (குழந்தை அல்லது செல்வம் வேண்டி செய்யப்படும் தவம்)
* தாமச தவம் - பிறரைத் துன்புறுத்தும் நோக்கத்திற்காகச் செய்யும் தவமே [[தாமச குணம்|தாமச]] தவமாகும்.

=== தவ முறைகள் ===
கிருஷ்ணர் உடல், பேச்சு மற்றும் மனதால் செய்யப்படும் தவ முறைகளை விளக்குகிறார்.
* உடலால் செய்யப்படும் தவம் (காயக தவம்) : நேரம் தவறாது செயல்படுவது, அளித்த வாக்கை நிறைவேற்றுவது, பூசைகள் செய்வது, தானம் அளிப்பது போன்றவைகள் காயக தவமாகும்.
* பேச்சால் செய்யப்படும் தவம் (வாசிக தவம்) : தெரிந்த உண்மையை மட்டும் பேசுதல், இனிமையாகவும், மென்மையாகவும் பேசுதல், பிறர் மனம் புண்படாது பேசுதல், கேட்பவருக்கு நன்மை பயக்கூடியது மட்டும் பேசுதலே வாசிக தவமாகும். வாசிகத் தவத்தின் பயனால் உண்டாகும் பேச்சுக் கட்டுப்பாடு, ஆன்மீக முன்னேற்றத்தை மேம்படுத்தும்.
* மனதின் தவம் (மானச தவம்) : மனதில் தீய எண்ணங்களை விட்டு விட்டு, தூய எண்ணங்களுடன், மனதை அமைதியாக வைத்துக் கொள்ளுதலே மானச தவமாகும்.

== உபநிடதங்களில் தவம் ==
[[வேதாந்தம்|வேதாந்தமாகிய]] [[உபநிடதம்|உபநிடதங்கள்]], [[ஆத்மா|சீவமாத்மாவும்]], [[பிரம்மம்|பரமாத்மாவும்]] ஒன்றே என்ற [[அத்வைதம்|அத்வைத]] அறிவை அடைவதே தவத்தின் நோக்கம் எனக் கூறுகிறது.<ref name=dct />

சமயச் சடங்குகளின் மூலம் இறைவனுக்கு படையல்களைப் படைப்பதை விட, [[ஆத்மா]] எனும் தன்னை அறிதலின் மூலமே மனநிறைவு எனும் [[சீவ முக்தி|மோட்சத்தை]], தவ வாழ்வினால் அடைகிறார்கள் என [[சாந்தோக்கிய உபநிடதம்]] கூறுகிறது.<ref name=dct />

நான் யார் ? ([[ஆத்மா]]) என்பதை அறிய, தவம், தியானம், தியாகம், நம்பிக்கை மற்றும் வேதாந்த விசாரணை மூலம் அறிந்து, தானும் [[பிரம்மம்|பிரம்மமும்]] ஒன்றே என்ற அத்வைத அறிவை அடைவதே தவம் ஆகும் என ''சுவேதாஸ்வதர உபநிடதம்'' குறிப்பிடுகிறது.<ref name=dct /><ref name=crp>CR Prasad, Brill's Encyclopedia of Hinduism, Editor: Knut Jacobsen (2010), Volume II, Brill, {{ISBN|978-90-04-17893-9}}, see Article on ''Brahman'', pp 724-729</ref>
[[முண்டக உபநிடதம்|முண்டக உபநிடதத்தின்]] 3.1.5-6-ஆம் பகுதிகள் தவத்தினால் [[ஆத்மா|ஆத்ம]] அறிவை பெறும் ஒரு ஆன்மீக சாதகனுக்கு மோட்சம் எனும் மனநிறைவு கிடைக்கிறது எனக் கூறுகிறது.<ref name=dct /><ref>[https://archive.org/stream/thirteenprincipa028442mbp#page/n395/mode/2up Mundaka Upanishad] Robert Hume, Oxford University Press, p. 374</ref>

[[ஆதிசங்கரர்]] தனது நூற்களில், சமயச் சடங்குகளை விட, தவத்திற்கே முன்னுரிமை வழங்குகிறார். சாதாரண தவ வாழ்வை விட, [[ஆத்ம ஞானம்|ஆத்ம ஞானத்தின்]] மூலம் [[பிரம்மம்|பிரம்மத்தின்]] இயற்கையை அறிவதே சிறந்த அறிவுபூர்வமான தவம் எனக் கூறுகிறார்.<ref name=dct /><ref name=dct>David Carpenter, Brill's Encyclopedia of Hinduism, Editor: Knut Jacobsen (2010), Volume II, Brill, {{ISBN|978-90-04-17893-9}}, see Article on ''Tapas'', pp 865-869</ref><ref name=crp />

== பிரம்மச்சரியம் ==
இந்து [[வர்ணாசிரமம்|வர்ணாசிரம தருமத்தின்]] படி, வாழ்க்கையின் முதல் படிநிலையில் உள்ள [[பிரம்மச்சர்யம்|பிரம்மச்சாரிகளுக்கு]] தவ வாழ்க்கை முறை போதிக்கப்படுகிறது.<ref name=wok357360>Walter O. Kaelber (May, 1976), Tapas, Birth, and Spiritual Rebirth in the Veda, History of Religions, Vol. 15, No. 4, page 357-360</ref>
பிரம்மச்சரிய வாழ்வில், பொருளின்பங்களில் நாட்டம் செல்லாதவாறு, [[குருகுலம்|குரு குலங்களில்]] மனவடக்கம், புலனடக்கம் மூலம் தவம், [[சந்நியாசம்]], [[தியானம்]], [[அகிம்சை]], [[சிரவணம்]], [[மனனம் (இந்து சமயம்)|மனனம்]] மூலம் மேலான [[பிரம்மம்|பிரம்ம ஞானத்தை]], [[குரு]]வால் சீடர்களான பிரம்மச்சாரிகள் போதிக்கப்படுகின்றனர்.

== பிறவாப் பெரு நிலைக்கான தவம் ==
விடுதலை அல்லது [[சீவ முக்தி|மோட்சம்]] எனும் பிறவாப் பெரு நிலையை அடைய [[இந்து சமயம்|இந்து]], [[பௌத்தம்|பௌத்த]], [[சமணம்|சமண]] சமயத் துறவிகள் தவ வாழ்வை கடைப்பிடிக்கின்றனர்.
ஞானிகளும், துறவிகளும், ஆன்மீக சாதனையாளர்களும், பல்வேறு ஆன்மீக சாதனைகள் மூலம் முயற்சி செய்வதன் மூலம் [[ஜீவாத்மா|சீவாத்மாகிய]] தானும், அழிவற்ற, ஆனந்த மயமான, என்றும் நிலையான [[பிரம்மம்|பிரம்மமும்]] ஒன்றே என அறிந்து, மற்ற அனைத்தும் நிலையற்றவை ([[மாயை]]) என உணர்வதே தவத்தின் இறுதி இலக்காகும்.

== நவீன காலத்தில் ==
நவீன காலத்தில் தவ வாழ்க்கை மேற்கொள்வதற்காக, [[கங்கை ஆறு]] பாயுமிடங்களான [[ரிஷிகேஷ்]], [[அரித்துவார்]], [[உத்தரகாசி]], [[வாரணாசி]] போன்ற புனிதமான பகுதிகளில், இந்து சமய [[பிரம்மச்சர்யம்|பிரம்மச்சாரிகளுக்கும்]] , இளம் [[சந்நியாசம்|துறவிகளுக்கும்]], [[வேதாந்தம்|வேதாந்தக்]] கல்வியுடன், தவம், தியானப் பயிற்சிகளையும் வழங்குகிறது. செய்வதற்கு <ref>{{cite book | last=Pattathu | first=Paul | title=Ashram spirituality | year=1997 | isbn=978-81-85428-58-1}}</ref>

== இதனையும் காண்க ==
*[[சந்நியாசம்]]

== மேற்கோள்கள் ==
{{reflist}}

== உசாத்துணை ==
*{{citation
|last1=Jain
|first1=Shanti Lal
|title=ABC of Jainism
|year=1998
|publisher=Jnanodaya Vidyapeeth
|location=Bhopal (M.P.)
|isbn=81-7628-0003}}

== வெளி இணைப்புகள் ==
*[http://www.jstor.org/stable/1062153 Tapas, Birth, and Spiritual Rebirth in the Veda] Walter O. Kaelber, History of Religions, 1976, The University of Chicago Press
*[http://www.jstor.org/stable/3269719 Tapas and Purification in Early Hinduism], Walter O. Kaelber, Numen, 1979, BRILL
*[https://macsphere.mcmaster.ca/handle/11375/13784 Tapas in Rigveda], Anthony Murdock, 1983, McMaster University
*[http://www.geocities.ws/ra_sully66/yoga.pdf Yoga, Meditation on Om, Tapas and Turiya in the Principal Upanishads], Ira Israel and Barbara Holdrege, 1999, UCSB

[[பகுப்பு:சமய நடத்தைகளும் அனுபவங்களும்]]
[[பகுப்பு:இந்து சமய நம்பிக்கைகள்]]

தவம் - திருத்த வரலாறு

imported>AntanO: துப்புரவு