imported>SelvasivagurunathanmBOT: clean up and re-categorisation per CFD using AWB

2025-11-02T11:38:31Z

clean up and re-categorisation per CFD using AWB

புதிய பக்கம்

'''ஜெயராணி''' ''(Jeyarani)'' ஒரு [[இந்தியா|இந்திய]] [[இதழியல்|ஊடகவியலாளர்]] [[எழுத்தாளர்]], [[புகைப்படம்|புகைப்பட]] கலைஞர் ஆவார். இருபது ஆண்டுகளுக்கும் மேலாக பல்வேறு [[தமிழ் ஊடகங்கள்|தமிழ் ஊடகங்களில்]] பணிபுரிந்து வரும் இவர், விளிம்பு நிலை மக்களின் வாழ்வை தன்னுடைய எழுத்து மற்றும் புகைப்படம் வழியாக பதிவு செய்துள்ளார்.<ref name=":0">{{Cite web|url=https://ethirveliyeedu.com/collections/jayarani-%E0%AE%9C%E0%AF%86%E0%AE%AF%E0%AE%B0%E0%AE%BE%E0%AE%A3%E0%AE%BF|title=ஜெயராணி|website=Ethir Veliyeedu|language=en|access-date=2025-04-02}}</ref>

{{தகவல் சட்டம் எழுத்தாளர்
| name = ஜெயராணி மீனாமயில்
| birth_place = அழகன்பட்டி கிராமம், திண்டுக்கல் மாவட்டம்
| language = தமிழ்
| education = முதுகலை இதழியல்
| nationality = இந்தியன்
| occupation = புகைப்பட இதழியலாளர்
| awards = பெரியார் விருது, விடுதலை வேர் விருது, தமிழ் கனலி செயற்பாட்டாளர் விருது, எழுச்சி தமிழர் விருது
}}

== இளமைக் காலம் ==
இவர் [[திண்டுக்கல்]] மாவட்டம் [[நிலக்கோட்டை]] தாலுகா அழகன்பட்டி கிராமத்தில் 1978 ஆம் ஆண்டு பிறந்தார். இவரின் பெற்றோர் வசந்த மீனா, மயில்வாகனன். இவருடைய பாட்டி [[ஏ. எஸ். பொன்னம்மாள்]] காங்கிரஸ் கட்சியைச் சேர்ந்த சட்டமன்ற உறுப்பினராக இருந்தார். இளம் வயதில் பெற்றோரை இழந்த ஜெயராணி, பாட்டியின் பராமரிப்பில் வளர்க்கப்பட்டார். இவர் மதுரை மீனாட்சிக் கல்லூரியில் [[இளங்கலை]] [[ஆங்கில இலக்கியம்|ஆங்கில இலக்கியமும்]], [[திருநெல்வேலி]] [[மனோன்மணியம் சுந்தரனார் பல்கலைக்கழகம்|மனோன்மணியம் சுந்தரனார் பல்கலைக்கழகத்தில்]] [[முதுகலை]] [[இதழியல்|இதழியலும்]] கற்றார்.<ref>{{Citation|title=”சொற்களை விடவும் செயல்களை பார்த்து நிறைய கற்றுக்கொண்டேன்”- எழுத்தாளர் ஜெயராணி{{!}} NaanAanathuEpadi|url=https://www.youtube.com/watch?v=8M7rFRY4IpY|date=2019-01-24|accessdate=2025-04-02|last=Kalaignar TV News}}</ref>

== பணி விவரக் குறிப்புகள் ==
23 ஆண்டுகளாக பத்திரிகையாளராகப் பல்வேறு தமிழ் ஊடகங்களில் பணிபுரிந்து வருகிறார். சாதியம், பெண்ணியம், மனித உரிமைகள் சார்ந்து எண்ணற்ற செய்திக் கட்டுரைகள் எழுதி வந்துள்ளார். [[குமுதம் (இதழ்)|குமுதம்]], [[ஆனந்த விகடன்|ஆனந்தவிகடன்]], [[இந்தியா டுடே]], [[தினமலர்]], புதிய வாழ்வியல் போன்ற அச்சு ஊடகங்களிலும் [[சன் தொலைக்காட்சி]], [[புதுயுகம் தொலைக்காட்சி|புது யுகம்]] போன்ற காட்சி ஊடகங்களிலும் பணிபுரிந்தவர். த ஒயர், நியூஸ் மினிட், நேஷனல் ஹெரால்டு, தி அவுட்லுக் போன்ற ஆங்கில ஊடகங்களில் இவரது கட்டுரைகள் தொடர்ந்து வெளியாகின்றன.<ref>{{Cite web|url=https://thewire.in/author/jeya-rani|title=The Wire: The Wire News India, Latest News,News from India, Politics, External Affairs, Science, Economics, Gender and Culture|website=thewire.in|access-date=2025-04-03}}</ref> [[ஆறாம்திணை (இணைய இதழ்)|ஆறாம் திணை]], ஒன் இந்தியா தமிழ், [[விகடன் குழுமம்|விகடன்.காம்]] போன்ற இணைய இதழ்களிலும் எழுதியுள்ளார்.<ref>{{Cite web|url=https://www.vikatan.com/gender/writer-jeyarani-speaks-about-lack-of-women-representation-in-media-industry|title=``ஊடகத்துறையில் பெண்களுக்கு உரிய பிரதிநிதித்துவம் இல்லை!" - எழுத்தாளர் ஜெயராணி|last=கி.ச.திலீபன்|date=2022-03-09|website=www.vikatan.com/|language=ta|access-date=2025-04-02}}</ref>

2001 ஆம் ஆண்டு [[குமுதம் (இதழ்)|குமுதம்]] இதழில் பணிபுரிந்த போது [[ஊரப்பாக்கம் ஊராட்சி]] மன்றத் தலைவி மேனகாவின் படுகொலை, [[சென்னை]] [[கே. கே. நகர், சென்னை|கே.கே. நகரி]]<nowiki/>ல் குடிசைகள் அகற்றம் உள்ளிட்ட செய்திக் கட்டுரைகளை எழுதியுள்ளார்.

2001-2003 ஆண்டுகளில் ‘[[அவள் விகடன்]]’ இதழில் கிராமப்புற பெண்களை மையப்படுத்திய ஐம்பதுக்கும் மேற்பட்ட செய்திக் கட்டுரைகளை எழுதியிருக்கிறார்.

2003 - 2005 ஆண்டுகளில் ‘[[ஆனந்த விகடன்|ஆனந்த விகடனில்]]’ விளிம்புநிலை மக்களிடையே பணியாற்றி வரும் சமூகப் போராளிகள், சேவகர்கள் குறித்த ‘’வெளிச்சம்’’ என்ற தொடரை எழுதினார்.

2011-2013 ஆண்டுகளில் ‘[[இந்தியா டுடே]]’ இதழில் மனிதக் கழிவகற்றும் தொழிலாளர்களின் அவல வாழ்வு குறித்து விரிவானக் களப்பணி செய்து செய்திக் கட்டுரைகள் எழுதியுள்ளார்.<ref name=":1">{{Cite book |last=ஜெயராணி |first=ஜெயராணி |title=எது நடந்ததோ அது நன்றாக நடக்கவில்லை - சமகால தமிழக சிக்கல்கள் குறித்த செய்திக் கட்டுரைகள் |publisher=ஹெர் ஸ்டோரிஸ் |year=2023 |edition=1st |language=தமிழ்}}</ref>

[[சன் தொலைக்காட்சி]]யின் நிஜம் நிகழ்ச்சியில் விளிம்பு நிலை வாழ்வு குறித்து பல செய்தி ஆவணப் படங்களைப் பதிவு செய்துள்ளார்.

2017ஆம் ஆண்டு மனிதக் கழிவை மனிதர் அகற்றும் இழிவுக்கு எதிராக 'மஞ்சள்' என்ற நாடகத்தை எழுதி இயக்குனர் [[பா. ரஞ்சித்]] தயாரிப்பில் அனைத்து கட்சி அரசியல் தலைவர்களின் முன்னிலையிலும் காட்சிப்படுத்தினார்.<ref>{{Citation|title=MANJAL Stage Play மஞ்சள் மேடை நாடகம்{{!}} Pa. Ranjith|url=https://www.youtube.com/watch?v=lBMBpDdSXWk|date=2017-06-30|accessdate=2025-04-02|last=REACH ONE}}</ref>

2020ஆம் ஆண்டு கொரானா காலத்தில் தலித் மக்கள் எதிர்கொண்ட வன்கொடுமைகள், தலித் பெண்கள் மீதான பாலியல் தாக்குதல் போன்றவை இவர் எழுதிய கட்டுரைகளில குறிப்பிடத்தக்கவை.

== எழுதிய நூல்கள் ==
* ஜாதியற்றவளின் குரல்
* உங்கள் மனிதம் ஜாதியற்றதா?<ref>{{Citation|title=சிறந்த கட்டுரைத் தொகுப்பு - உங்கள் மனிதம் ஜாதியற்றதா? {{!}} ஜெயராணி {{!}} வாசகசாலை தமிழ் இலக்கிய விருதுகள்|url=https://www.youtube.com/watch?si=zQpw2bN4djY0XFgF&v=S2MDa9i0fsY&feature=youtu.be|date=2018-12-24|accessdate=2025-04-02|last=Shruti TV}}</ref>
* உங்கள் குழந்தை யாருடையது?<ref>{{Cite book |last=ஜெயராணி |first=ஜெயராணி |title=உங்கள் குழந்தை யாருடையது |publisher=எதிர் வெளியீடு |year=2020 |edition=1st |language=தமிழ்}}</ref>
* எது நடந்ததோ அது நன்றாக நடக்கவில்லை<ref name=":1" />
* இதற்கு பெயர் தான் பார்ப்பனியம்
* கறுப்பு மை குறிப்புகள்
* செந்நிலம் சிறுகதைத் தொகுப்பு<ref>{{Citation|title=எழுத்தாளர் ஜெயராணி எழுதிய செந்நிலம் புத்தகம் மக்களிடம் வரவேற்பை பெற்றுள்ளது {{!}}Writer Jayarani|url=https://www.youtube.com/watch?v=iPQ94qIM-rA|date=2025-01-07|accessdate=2025-04-02|last=News7 Tamil PRIME}}</ref>

== பெற்ற விருதுகளும் அங்கீகாரமும் ==
* 2004 ஆம் ஆண்டு முஸ்லிம் பெண்களின் ஜமாத் உரிமை குறித்த செய்திக் கட்டுரைக்காக, பன்னாட்டு பத்திரிகையாளர் கூட்டமைப்பின் பாராட்டுச் சான்றிதழ் (International Federation of Journalists Commendation Certificate 2004) இவருக்கு வழங்கப்பட்டது.
* 2005 ஆம் ஆண்டு [[இந்தியா டுடே]] இதழ் ’’தேசிய அளவில் சமூகத்தில் தாக்கத்தை உண்டாக்கும் 30 பெண்களில் ஒருவராக’’ இவரை தேர்ந்தெடுத்தது.
* 2010 ஆம் ஆண்டு மதர் தெரஸா பல்கலைக்கழகம் ’காட்சி ஊடகத் துறையில் பொறுப்பானப் பங்களிப்பு’ என்ற விருதை இவருக்கு வழங்கியது.
* 2013 ஆம் ஆண்டு தொன் போஸ்கோ நிறுவனத்தின் ஊடக அறம் விருதை இவர் பெற்றார்.
* 2015 ‘ஜாதியற்றவளின் குரல்’ நூலுக்கு சிறந்த கட்டுரைத் தொகுப்பிற்கான ‘[[விகடன் குழுமம்|விகடன்]]’ விருது வழங்கப்பட்டது.
* 2015 ஆம் ஆண்டு அதே நூலுக்காக கனடா தமிழ் தோட்ட விருது பெற்றார்.
* 2012 ஆம் ஆண்டு குரலற்றவர்களின் குரலாக ஒலிக்கும் விளிம்புநிலை எழுத்துப் பணிக்காக மதுரை தலித் ஆதார மய்யத்தின் 'விடுதலை வேர்' விருது
* 2016 ஆம் ஆண்டு துடி அமைப்பின் ’அம்பேத்கர் பேரொளி’ விருது.
* 2017 ஆம் ஆண்டு [[திராவிடர் கழகம்|திராவிடர் கழக]]<nowiki/>த்தின் [[பெரியார் விருது|’பெரியார் விருது]]’
* 2017 ஆம் ஆண்டு மலமள்ளும் இழிவுக்கு எதிரான மஞ்சள் நாடகத்திற்கான விகடன் விருது
* 2019 ஆம் ஆண்டு 'உங்கள் குழந்தை யாருடையது?’ வாசகசாலை அமைப்பின் சிறந்த கட்டுரை தொகுப்பு விருது.<ref name=":1" />
* 2020 ஆம் ஆண்டு கொரோனா காலத்தில் புலம் பெயர் தொழிலாளர்கள் மற்றும் தலித் மக்களின் நிலையையும் எழுதியதற்காக இந்திய அளவில் "உண்மையை உரக்கப் பேசும்" 14 பத்திரிகையாளர்களில் ஒருவராக feminismindia.com இணையதளம் இவரை தேர்ந்தெடுத்தது.<ref>{{Cite web|url=https://feminisminindia.com/2020/12/25/powerful-journalists-made-their-voice-count-2020/|title=14 Powerful Journalists Who Spoke Truth To Power In 2020|last=Chandwani|first=Vasudha|date=2020-12-24|website=Feminism in India|language=en-GB|access-date=2025-04-02}}</ref>
* 2023 ஆம் ஆண்டு சமரசமற்ற ஊடகப் பணிக்காக காரைக்குடி போதி இலக்கிய சந்திப்பின் சிறந்த கட்டுரையாளர் விருதைப் பெற்றார்.
* 2025 ஆம் ஆண்டு மே 17 இயக்கம் வழங்கிய தமிழ் கனலி செயற்பாட்டாளர் விருது வழங்கி இவரை பெருமைப்படுத்தியது.<ref>{{Citation|title=எழுத்தாளர் ஜெயராணி செயல்பாட்டாளர் தமிழ் கனலி விருது ஏற்புரை. தோழர் திருமுருகன் காந்தி பாராட்டுரை|url=https://www.youtube.com/watch?si=CMUJ9Xfa-N4rJhdq&v=gAyPGIbjlbU&feature=youtu.be|date=2025-03-17|accessdate=2025-04-02|last=unwritten history of tamilnadu}}</ref>
* 2025 [[விடுதலை சிறுத்தைகள் கட்சி]]<nowiki/>யின் சிறந்த சிறுகதை தொகுப்பிற்கான 'எழுச்சித் தமிழர் விருது' இவரின் செந்நிலம் நூலுக்கு வழங்கப்பட்டது.<ref>{{Citation|title=என் கதாப்பாத்திரங்கள் திருப்பி அடிக்கும் {{!}} writer Jayarani {{!}} sennilam short story {{!}} Award {{!}} VCK|url=https://www.youtube.com/watch?v=SBPSbK2r56U|date=2025-03-21|accessdate=2025-04-02|last=Neelam Social}}</ref>

== மேற்கோள்கள் ==
<references />

[[பகுப்பு:தமிழ்ப் பெண் ஊடகவியலாளர்கள்]]
[[பகுப்பு:1978 பிறப்புகள்]]
[[பகுப்பு:வாழும் மக்கள்]]

ஜெயராணி - திருத்த வரலாறு

imported>SelvasivagurunathanmBOT: clean up and re-categorisation per CFD using AWB