imported>எஸ். பி. கிருஷ்ணமூர்த்தி: /* கொடிமரத்தின் அமைப்பு */

2025-10-15T01:40:11Z

கொடிமரத்தின் அமைப்பு

புதிய பக்கம்

[[File:Thanjavur - Brihadisvara Temple (54).jpg|right|thumb|225px|[[தஞ்சைப் பெருவுடையார் கோயில்|தஞ்சாவூர் பெருவுடையார் கோயிலின்]] கொடி மரம்]]
[[File:Kodimaram.jpg|right|thumb|225px|[[காஞ்சிபுரம் காமாட்சியம்மன் கோயில்]] கொடி மரம்]]

'''கொடிமரம்''' என்பது [[இந்துக் கோவில்|இந்துக் கோவில்களில்]], [[பலிபீடம்|பலிபீடத்திற்கு]] அருகே அமைக்கப்பெறுகின்ற கொடியேற்றுகின்ற மரமாகும். இதற்கு '''துவஜஸ்தம்பம்''' என்ற [[சமஸ்கிருதம்|சமசுகிருதப்]] பெயரும் உண்டு. சிவாலயங்களில் கொடி மரம், [[நந்தி]] மற்றும் பலிபீடம் ஆகியவை [[மூலவர்|மூலவரை]] நோக்கியே அமைக்கப்பெறுகின்றன.

பொதுவாக ஆலயங்கள் [[ஆகமம்|ஆகம விதி]]ப்படி கட்டப்படுகிறது. அதாவது ஒரு கோவிலை புனித உடலுடன் ஒப்பிடலாம். அதன்படி தலைப்பகுதியை கருவறையாகவும், மார்புப் பகுதியை மகா மண்டமாகவும், வயிற்றுப் பகுதியை நாபி எனப்படும் தொப்புள் பகுதி கொடிமரமாகவும், கால் பகுதியை இராஜகோபுரமாகவும் கூறப்படுகிறது. இவ்வாறு ஆகம விதிப்படி கட்டப்படும் கோவில்களில், திருவிழா நடைபெறும் போது முதல் நாள் கொடியேற்றமானது நடைபெறும். தேவர்கள், இந்த கொடிமரத்தின் வழியாகத் தான் கோயிலுக்குள் வருவதாக கூறப்படுகிறது.

== கொடிமரத்தின் அமைப்பு ==
கொடிமரம், பொதுவாக [[சந்தனம்]], [[தேவதாரு]], செண்பகம், [[வில்வம்]], [[மகிழம்]] முதலிய ஐந்த வகையான மரங்களை பயன்படுத்தி தயாரிக்கப்படுகிறது. மனிதனின் முதுகு தண்டைப் போன்றது கோவிலின் கொடிமரம். நமது முதுகுத் தண்டுவடத்தில் 32 எலும்பு வளையங்கள் உள்ளன.அது போல கொடிமரழும் 32 வலையங்களுடன் அமைக்கப்படுகிறது.

கோவில் சன்னிதிக்கும், கோபுரத்துக்கும் இடையே கொடிமரம் அமைந்திருக்கும். அதிகபட்சமாக 13 மீட்டர் இடைவெளியில் அமைக்கப்படும். கொடிமரம் இராஜகோபுரத்தை விட அதிக உயரமாக இருக்காது. அதே நேரம் கருவறை விமானத்துக்கு நிகரான உயரத்தில் இருக்கும்.

அடிப்பகுதியான சதுரம், அதற்கு மேல் எண்கோணவேதி அமைப்பு மற்றும் தடித்த உருளை பாகம் என இந்துக் கோவில் கொடிமரம் மூன்று பாகங்களை உடையன. இதில் சதுரப்பகுதி [[பிரம்மா]]வினையும், எண்கோணவேதி அமைப்பு [[திருமால்|திருமாலையும்]], உருளையமைப்பு [[சிவன்|சிவனையும்]] குறிப்பதாக நம்பப்படுகிறது.<ref>[https://www.dinamani.com/religion/religion-news/2017/may/13/கொடிமரத்தின்-தத்துவமும்முக்கியத்துவமும்-2701547.html கொடிமரத்தின் தத்துவமும்...முக்கியத்துவமும்]</ref>
<ref>[https://www.dailythanthi.com/devotional/the-significance-of-kodimaram-in-temple-1155415 கோயில்களில் கொடிமரம் அமைப்பது ஏன்?]</ref><ref>[https://temple.dinamalar.com/news_detail.php?id=23952 கோவில் கொடிமரத்தின் முக்கியத்துவம் என்ன?]</ref><ref>[https://www.maalaimalar.com/devotional/worship/kodimaram-770828 கொடி மரத்தின் சிறப்புகள்]</ref>

== கொடிகள் ==
இறைவனுக்கு ஏற்றப்பட வேண்டிய கொடியின் சின்னம் குறித்து சூரிய புராணத்தில் கூறப்பட்டுள்ளது. அவற்றின் அட்டவணை கீழே.

{| class="wikitable"
|-
! வரிசை !! இறைவன் !! கொடி
|-
| 1 || [[சிவபெருமான்]] || [[நந்தி|நந்திக் கொடி]]
|-
| 2 || [[திருமால்]] || [[கருடன், புராணம்|கருடக் கொடி]]
|-
| 3 || [[சூரிய தேவன்]] || வியோமாக் கொடி
|-
| 4 || [[வருண தேவன்]] || அன்னக் கொடி
|-
| 5 || [[குபேரன்]] || நரன் கொடி
|-
| 6 || [[முருகன்]] || மயில் அல்லது சேவல் கொடி
|-
| 7 || [[விநாயகன்]] || மூசிக கொடி
|-
| 8 || [[இந்திரன்]] || யானைக் கொடி
|-
| 9 || [[யமன்]] || எருமைக் கொடி
|-
| 10 || [[துர்க்கை]] || சிம்மக் கொடி
|-
| 11 || [[சனி பகவான்]] || காக்கைக் கொடி
|-
| 12 || [[அருச்சுனன்]] || அனுமன் கொடி
|-
|13 || [[அம்மன்]] || சிம்மக் கொடி
|-
|14 || [[ஐயப்பன்|சாஸ்தா]] || குதிரைக் கொடி
|}

== மேற்கோள்கள் ==
{{Reflist}}

== வெளி இணைப்புகள் ==
*[https://www.youtube.com/watch?v=ftOsm5La7Ag கொடிமரம் - காணொலி]

[[பகுப்பு:இந்துக் கோயில் கட்டிடக்கலை]]
[[பகுப்பு:சமயக் கொடிகள்]]
[[பகுப்பு:இந்து சமயச் சின்னங்கள்]]

கொடிமரம் - திருத்த வரலாறு

imported>எஸ். பி. கிருஷ்ணமூர்த்தி: /* கொடிமரத்தின் அமைப்பு */