imported>NeechalBOT: ஆ.வி. மேற்கோள் கடத்தல்

2023-08-05T04:14:10Z

ஆ.வி. மேற்கோள் கடத்தல்

புதிய பக்கம்

[[Image:Ladder and telegraph pole.jpg|thumb|150px|ஒரு ஏணி]]
'''ஏணி''' என்பது, பொதுவாக குறித்த இடைவெளியில் ஒன்றுக்கு ஒன்று இணையாக வைக்கப்பட்ட இரண்டு நீளமான [[கம்பு]]களில், அவற்றுக்குக் குறுக்கே ஒரு முனையில் இருந்து மறு முனை வரை பொருத்தப்பட்ட சிறிய [[கோல்]]கள் அல்லது தட்டையான படி போன்ற துண்டுகளை இணைத்து உருவாக்கிய ஓர் அமைப்பு ஆகும். ஓர் இடத்திலிருந்து அதற்கு மேலே அல்லது கீழேயுள்ள இன்னொரு இடத்துக்குச் செல்வதற்கு இது பயன்படுகின்றது. மிகப் பழைய காலத்திலிருந்தே ஏணிகளை [[மனிதர்]]கள் பயன்படுத்தி இருக்கக்கூடும் எனக் கருதப்படுகிறது. முதலில் உருவாக்கப்பட்ட ஏணிகள் நீண்ட ஒற்றை [[மரக்கொம்பு]]கள் அல்லது [[மூங்கில்]] கழிகளில் குறுக்கே குறுகிய குட்டையான கம்புகளைக் கட்டி உருவாக்கப்பட்டு இருக்கக்கூடும். தற்காலத்திலும் இவ்வாறான ஏணிகள் பயன்பாட்டில் உள்ளன. குறுகிய கழிகள் பலவற்றை அடுக்கடுக்காக வைத்து அவற்றின் ஒத்த முனைகளை இரண்டு கயிறுகளில் தொடுத்து நூலேணிகள் அமைக்கும் வழக்கமும் உண்டு.<ref name="Bee">Wilson, Bee (2004). The Hive: The Story Of The Honeybee. London, Great Britain: John Murray (Publishers). {{ISBN|0-7195-6598-7}}</ref><ref>{{cite web |url=http://www.techdivetools.com/boat/ladders.html |title=Diving Equipment Specialties |publisher=Techdivetools.com |access-date=2014-03-05 |url-status=live |archive-url=https://web.archive.org/web/20131207091106/http://techdivetools.com/boat/ladders.html |archive-date=2013-12-07 }}</ref><ref>{{cite web |url=http://www.uspto.gov/web/offices/com/sol/og/2011/week33/TOC.htm |title=Patent and Trademark Office Notices |publisher=Uspto.gov |access-date=2014-03-05 |url-status=live |archive-url=https://web.archive.org/web/20130601031203/http://www.uspto.gov/web/offices/com/sol/og/2011/week33/TOC.htm |archive-date=2013-06-01 }}</ref>

==ஏணி செய்யப் பயன்படும் பொருட்கள்==

முற்காலத்தில், மரம், மூங்கில் போன்ற பொருட்களே ஏணி செய்வதற்குப் பயன்பட்டன ஆயினும், அண்மைக் காலங்களில் வேறு பல பொருட்களையும் இதற்குப் பயன்படுத்துகின்றனர். 20 ஆம் நூற்றாண்டில் [[அலுமீனியம்]] ஏணி செய்வதற்குப் பயன்படத் தொடங்கியது. இதன் வலிமை, துருப்பிடிக்காத தன்மை, எடைக் குறைவு, நீடித்து உழைக்கும் தன்மை, தீயில் எரியாத தன்மை, நீரினால் பாதிக்கப்படாமை, முடிப்புப்பூச்சு தேவை இல்லாமை என்பவற்றால், அலுமீனியம் ஏணிகளுக்கு விரும்பப்படும் ஒரு பொருளானது. அண்மைக் காலங்களில் [[கண்ணாடியிழை நெகிழி]]ப் பொருட்களைப் பயன்படுத்தி ஏணிகள் செய்கின்றனர்.

==வகைகள்==

ஏணிகளில் பல வகைகள் உள்ளன. இவற்றுள் பின்வரும் வகைகள் குறிப்பிடத்தக்கவை.

* நிலைத்த ஏணிகள்
* நீட்டத்தக்க ஏணிகள்
* படி ஏணிகள்
* படி மேடை ஏணிகள்
* கூரை ஏணிகள்
* மடிக்கத்தக்க ஏணிகள்
* "ஏ" சட்டக ஏணிகள்

==மேற்கோள்கள்==
{{reflist}}

[[பகுப்பு:கையாற்றல் கருவிகள்]]

ஏணி - திருத்த வரலாறு

imported>NeechalBOT: ஆ.வி. மேற்கோள் கடத்தல்