00:15, 7 அக்டோபர் 2021 இல் imported>Krishnamurthy GovindaReddy

2021-10-07T00:15:01Z

புதிய பக்கம்

'''ஆவியர்''' என்போர் சங்க காலக் குடிமக்களில் ஒரு சாரார். இவர்கள் வாழ்ந்த ஊர் ஆவினன்குடி என வழங்கப்பட்டது. <ref>திருமுருகாற்றுப்படை 176</ref> ஆவின் நன்குடி என்பது குற்றமொன்றில்லாத ஆயர் நற்குடியைக் குறிக்கும்.<ref>ஆ+இன+நன்+குடி</ref> இவர்கள் பசுக்களைப் பாதுகாக்கும் இடையர் குடியினர் ஆவர். இவர்கள் மிகுந்த உடல் வலிமை, வீரம், பகைவரை அச்சுறுத்தும் தோற்றம் ஆகியவற்றைக் கொண்டு விளங்கினராம்.

இவர்களது அரசன் ஆவிக்கோ, ஆவியர் பெருமகன் என்றெல்லாம் குறிப்பிடப்படுகிறான். [[முருகன் (அரசன்)|முருகன் நற்பேர் ஆவி]] என்பவன் இவர்களில் குறிப்பிடத் தக்கவன். <ref>அகநானூறு 1</ref> வையாவி என்பது இம்மக்கள் வாழ்ந்த மற்றொரு பகுதி. இப்பகுதி அரசன் வையாவிக்கோ என்றும், வையாவிக்கோமான் என்றும் குறிப்பிடப்படுகின்றனர். [[பேகன்|வையாவிக்கோப் பெரும்பேகன்]] <ref>பெருங்குன்றூர் கிழார் – புறம் 147,</ref> <ref>அருந்திறல் அணங்கின் ஆவியர் பெருமகன் பெருங்கல் நாடன் பேகன் - சிறுபாணாற்றுப்படை 85-86</ref> [[பதுமன்|வேளாவிக்கோமான் பதுமன்]] ஆகியோர் இப்பகுதியை ஆண்ட மன்னர்களில் குறிப்பிடத் தக்கவர்கள்.

பதிற்றுப்பத்து நான்காம் பத்தின் பாட்டுடைத் தலைவன் களங்காய்க்கண்ணி நார்முடிச் சேரல். இவனது தந்தை இரண்டாம் பத்தின் தலைவன் சேரலாதன். தாய் வேளாவிக்கோமான் பதுமன் என்பானின் தேவி. <ref>பதிற்றுப்பத்து பதிகம் 4</ref>
பதிற்றுப்பத்து ஆறாம் பத்தின் தலைவன் ஆடுகோடுபாட்டுச் சேரலாதன். இவனது தந்தை குடக்கோ நெடுஞ்சேரலாதன். தாய் வேளாவிக் கோமான் என்பவனின் தேவி.<ref> பதிற்றுப்பத்து பதிகம் 6</ref>

தேவி என்னும் சொல்லைச் சங்கப் பாடல்களைத் தொகுத்தவர்கள் அரசன் மகள் இளவரசியைக் குறிக்கும் வகையில் இங்கு பயன்படுத்தியுள்ளனர்.<ref> பதிற்றுப்பத்து பதிகம் 4</ref> இச்சொல்லை மனைவியைக் குறிக்கப் பயன்படுத்தும்போது [[பூதபாண்டியன் தேவி பெருங்கோப்பெண்டு]] என்று விளங்கும் வகையில் குறிப்பிட்டுள்ளனர். கோப்பெருந்தேவி என்று பாண்டியன் மனைவியைச் சிலப்பதிகாரம் குறிப்பிடுகிறது. <ref>வழக்குரை காதை</ref>

==அடிக்குறிப்பு==
{{Reflist}}

[[பகுப்பு:சங்க காலச் சமூகம்]]
[[பகுப்பு:ஆவியர்|*]]

ஆவியர் - திருத்த வரலாறு

00:15, 7 அக்டோபர் 2021 இல் imported>Krishnamurthy GovindaReddy