07:00, 13 ஏப்பிரல் 2024 இல் imported>Kanags

2024-04-13T07:00:48Z

புதிய பக்கம்

{{Infobox quantity
| name = அணு நிறை Atomic mass
| othernames =
| width =
| background =
| image = [[File:Stylised Lithium Atom.svg|200px]]
| caption = [[இலித்தியம்]]-7 அணு: 3 [[புரோத்தன்]]கள், 4 [[நியூத்திரன்]]கள், 3 [[இலத்திரன்]]கள் (மொத்த இலத்திரன்கள் அணுக்கருவின் நிறையின் ~{{frac|1|4300}} பங்கு). இதன் நிறை 7.016 [[அணு நிறை அலகு|Da]]. அருமண் இலித்தியம்-6 (நிறை 6.015 Da) 3 நியூத்திரன்களை மட்டும் கொண்டுள்ளது, சராசரி அணு நிறை 6.941.
| unit = [[கிலோகிராம்]] (கிகி)
| otherunits = [[அணு நிறை அலகு|டால்ட்டன்]] (Da)
| symbols = ''m''a, ''m''
| baseunits =
| dimension =
| extensive =
| intensive = ஆம்
| conserved =
| transformsas = திசையிலி
| derivations =
}}
'''அணு நிறை''' (''atomic mass'', இலங்கை வழக்கு: '''அணுத் திணிவு''', ''m''a அல்லது ''m'') என்பது ஒரு பரிமாணமில்லா [[இயற்பியல்]] பண்பளவு ஆகும், இது (குறிப்பிட்ட மூலத்திலிருந்தான) ஒரு [[தனிமம்|தனிமத்தின்]] [[அணு]]க்களின் சராசரி நிறைக்கும், [[கரிமம்|கரிமம்-12]] அணுவின் நிறையில் பன்னிரைண்டில் ஒரு பகுதிக்குமான (1/12) விகிதமாய் வரையறுக்கப்பட்டுள்ளது. (இவ்வரையறையின்படி கொண்டால் கரிம அணுவின் அணு நிறை 12 ஆகவும், மற்றவை இதன் அடிப்படையிலும் அமையும்) பொதுவாய் இந்தச் சொல், எந்தவித மேலதிக வரையறையும் இன்றி, [[தனி மற்றும் பயன்பாட்டு வேதியியல் அனைத்துலக ஒன்றியம்|தனி மற்றும் பயன்பாட்டு வேதியியல் அனைத்துலக ஒன்றியத்தால்]] முறையான கால இடைவெளிகளில் வெளியிடப்படும் சீராக்கப்பட்ட அணு நிறைகளைக் குறிக்க பயன்படுத்தப்படும் - இவைகள் பொதுவான ஆய்வுக்கூட பொருட்களுக்கு பொருந்துவதாய் இருக்கும். இந்த சீராக்கப்பட்ட அணு நிறைகள் பலதரப்பட்ட பாடனூல்களிலும், வணிக பட்டுயல்களிலும், சுவர் படங்களிலும், இன்னும் பிறவற்றிலும் பயன்படுத்தப்படுகின்றன. இந்த இயற்பியல் பண்பளவைக் குறிக்க “ஒப்பு அணு நிறை” என்பதையும் பயன்படுத்தலாம் - உண்மையில், “அணு நிறை” என்கின்ற பதத்தின் தொடர்ந்த பயன்பாடு குறிப்பிடத்தக்க சர்ச்சைகளைக் கிளப்பியிருக்கிறது.<ref>{{GoldBookRef|file=A00496|title=atomic mass}}</ref><ref>{{Cite web |title=DOE Explains...Nuclei |url=https://www.energy.gov/science/doe-explainsnuclei |access-date=2023-04-13 |website=Energy.gov |language=en}}</ref><ref>{{cite book | author= | title = The International System of Units (SI). v1.06. | edition = 9 |url = https://www.bipm.org/en/publications/si-brochure/ |location=Paris | date = 2019 | publisher = Bureau International des Poids et Mesures | isbn = 978-92-822-2272-0 }}</ref>

அணு நிறைகள், (தனி அணுக்களின் எடையான) [[அணுத்திணிவு|அணுத்திணிவைப்]] போல் அல்லாமல், இயற்பியல் [[மாறிலி|மாறிலிகள்]] அல்ல - இவை மாதிரிக்கு மாதிரி வேறுபடும் இயல்பின. இருந்தாலும், அணு நிறைகள் [[வேதியல்|வேதியலில்]] அடிப்படை முக்கியத்துவத்தை பெறும் அளவிற்கு ”வழக்கமான” மாதிரிகளில் மாறிலியாய் இருக்கின்றன.

== வரையறை ==

[[தனி மற்றும் பயன்பாட்டு வேதியியல் அனைத்துலக ஒன்றியம்|ஐயுபிஏசி]]-யின் அணு நிறை வரையரை:
<blockquote>
ஒரு குறிப்பிட்ட மூலத்தின் தனிமத்தின் ஓர் அணு நிறையானது அத்தனிமத்தின் ஓர் அணுவின் சராசரி எடைக்கும் 12C (கரிமம்-12) அணுவின் எடையில் 1/12 பங்கிற்குமான் விகிதமாகும்.
</blockquote>
இந்த வரையறை மிககுறிப்பாய் “ஓர் அணு நிறை” என்று சொல்வது, மூலத்தைப் பொறுத்து ஒரே தனிமம் வெவ்வேறு அணு நிறைகளைக் கொண்டிருக்கும் என்பதினால்தான். எடுத்துக்காட்டாய், [[துருக்கி]]யிலிருந்து பெறப்படும் [[போரான்]] [[கலிபோர்னியா]]விலிருந்து பெறப்படும் போரானைவிட குறைவான அணு நிறையை கொண்டிருக்கிறது, காரணம் அவற்றின் வெவ்வேறான [[ஓரிடத்தான்]]களின் [[கூட்டுப்பொதிவு|கூட்டுப்பொதிவாகும்]]. என்னவிருந்தாலும், ஓரிடத்தான்கள் ஆய்வின் பொருட்செலவினாலும் கடினத்தினாலும், வேதியல் ஆய்வுக்கூடங்களில் நீக்கமற நிறைந்திருக்கும் அணு நிறைகளின் சீராக்கப்பட்ட மதிப்புகளின் அட்டவனைகளைப் பயன்படுத்துவது வழக்கமான ஒன்றுதான்.

== பெயரிடலின் சர்ச்சைகள் ==

”அணு நிறை” என்ற பெயரின் பயன்பாடு [[அறிவியலாளர்]]களிடையே பெறும் சர்ச்சைகளை கிளப்பியுள்ளது. இந்தப் பெயரை எதிர்ப்பவர்கள் பொதுவாய் “ஒப்பு அணு நிறை” (அணுத்திணிவு அல்லது அணு நிறை என்பதுடன் குழப்பிக்கொள்ள வேண்டா) என்னும் பதத்தையே முன்மொழிகின்றனர். எதிர்ப்பின் அடிப்படை அணு நிறை என்பது உண்மையில் ஒரு [[எடை]]யல்ல, இஃது ஒரு பொருளின் மீது [[புவியீர்ப்பு விசை]]யால் ஏற்படும், [[நியூட்டன்]] போன்ற [[விசை]]க்கான அளபுகளால் அளக்கப்படும், ஒரு விசையல்ல என்பதேயாகும்.

இதற்கு பதிலாய், “அணு நிறை” என்ற பதத்தின் ஆதரவாளர்கள் கூறுவன,

* 1808ல் முதல் முறையாக இந்தப் பண்பளவு கருத்துருவாக்கம் செய்யப்பட்டதிலிருந்தே இதே பண்பைக் குறிக்கத்தான் தொடர்ந்து பயன்பட்டு வருகிறது;
* அப்பொழுது அதிகப்படியாக அணு நிறைகள் எடையை அளப்பதன் மூலமே அளக்கப்பட்டு வந்தன, மேலும் ஒரு இயற்பியல் பண்பளவை அளக்கும் முறை மாறிவிட்டது என்பதற்காக மட்டுமே அதன் பெயரை மாற்ற வேண்டியதில்லை;
* “ஒப்பு அணு நிறை” என்ற பதம் ஒரு குறிப்பிட்ட அணுக்கருவின் (அல்லது ஓரிடத்தானின்) நிறையைக் குறிக்க பயன்படுத்திக் கொண்டு, “அணு நிறை” என்பதனை ஒரு மாதிரியில் உள்ள அனைத்து அணுக்களின் நிறைகளின் [[எடையிட்ட கூட்டுச் சராசரி]]யை குறிக்க பயன்படுத்தலாம்;
* வரலாற்றுக் காரணங்களுக்காக பொருந்தாத பெயர்கள் இயற்பியல் பண்பளவுகளுக்கு தக்கவைக்கப் பட்டுள்ளது வழக்கமில்லாத ஒன்றல்லவே, எடுத்துக்காட்டாக
o [[மின்னியக்கவிசை]], என்பது ஒரு [[விசை]] அல்ல
o [[பகுப்பாற்றல்]], என்பது ஒரு [[ஆற்றல்]] பண்பு அல்ல

மேலும் சொல்லப் போனால், அணு நிறை என்பது உண்மையில் ”அணுத்தன்மை”யது அல்ல, அது ஒரு தனிப்பட்ட அணுவின் எந்தப் பண்பையும் குறிப்பது அல்ல. இதே கூற்றை “ஒப்பு அணு நிறை” என்பதற்கு எதிராகவும் கூறலாம்.

== அணு நிறையைக் கண்டறிதல் ==

இன்றைய அணு நிறைகள் ஒவ்வொரு [[அணுக்கரு]]விற்கும் கணக்கிடப்பட்டுள்ள [[அணுத்திணிவு|அணுத்திணிவையும்]] தனிமங்களின் ஓரிடத்தான்களின் கூட்டுப்பொதிவையும் கொண்டு கணக்கிடப்படுகின்றன. [[கதிரியக்கம்|கதிரியக்கமில்லா]] அணுக்கருக்கள் அனைத்திற்கும் மிகத்துல்லியமான அணுத்திணிவு மதிப்புகள் கிடைக்கின்றன, ஆனால் ஓரிடத்தான்களின் கூட்டுப்பொதிவானது அளப்பதற்கும் அரிதானது, மாதிரிகளுக்கிடையே மிகவும் வேறுபடவும் கூடியது. இந்தக் காரணத்தால், இருபத்தியிரண்டு ஓரணுக்கரு தனிமங்களின் அணு நிறைகள் மட்டும் குறிப்பிடும்படியான் மீநுந்துல்லியத்துடன் அறியப்பட்டுள்ளன - அதிலும் குறிப்பாய் [[புளோரின்|ப்ளோரினின்]] அணு நிறை மதிப்பு 38 [[மில்லியன்|மில்லியனில்]] ஒரு பகுதி என்ற விகிதத்திலேயே நிலையின்மை கொண்டதாய் உள்ளது - தற்போதைய மிகச்சிறந்த துல்லிய மதிப்பான [[அவகாட்ரோ எண்]]ணைவிட (20 மில்லியனில் ஒரு பகுதி நிலையின்மை) சிறந்ததான ஒரு துல்லியம் இது!

{| class="wikitable" align="right"
|-
! rowspan=2 | ஓரிடத்தான்
! rowspan=2 | அணுத்திணிவு
! colspan=2 | இயற்கை வளம்
|-
! சீராக்கப்பட்ட அளவு
! வீச்சு
|-
| align="center" | 28Si
| 27.976 926 532 46(194)
| 92.2297(7)%
| 92.21–92.25%
|-
| align="center" | 29Si
| 28.976 494 700(22)
| 4.6832(5)%
| 4.69–4.67%
|-
| align="center" | 30Si
| 29.973 770 171(32)
| 3.0872(5)%
| 3.10–3.08%
|-
|}

[[சிலிகான்|சிலிகானின்]] அணு நிறையை கணக்கிடும் முறை எடுத்துகாட்டாக தரப்பட்டுள்ளது, இதன் அணு நிறை அளவியலில் குறிப்பிடத்தக்க முக்கியத்துவம் வாய்ந்ததாகும். இயற்கையில் சிலிகான் மூன்று [[ஓரிடத்தான்கள்|ஓரிடத்தான்களின்]] கூட்டாக கிடைக்கிறது, அவை: [[28Si]], [[29Si]] மற்றும் [[30Si]]. இந்த ஓரிடத்தான்களின் அணுத்திணிவுகள் 28Si-க்கு 14 [[பில்லியன்|பில்லியனில்]] ஒரு பகுதி துல்லியத்துடனும், மற்றவிரண்டிற்கும் ஒரு பில்லியனில் ஒரு பகுதி துல்லியத்துடனும் அறியப்பட்டுள்ளன. இருப்பினும், இவற்றின் இயற்கையான வளத்தின் வகைகள் அந்தளவிற்கு உள்ளன அதனின் இவற்றின் சீராக்கப்பட்ட வளத்தை ±0.001% என்ற துல்லியத்துடன்தான் தரவியலும். அணு நிறை கணக்கிடுதல்:

Ar(Si) = (27.97693 × 0.922297) + (28.97649 × 0.046832) + (29.97377 × 0.030872) = 28.0854

இதில் நிலையின்மையை கணக்கிடுவது மிகச்சிக்கலான ஒன்று, காரணம் மாதிரிகளின் தன்மை [[சமச்சீர்|சமச்சீராய்]] இருக்க வாய்ப்பில்லை: ஐயுபிஏசி-யின் சீராக்கப்பட்ட அணு நிறைகள் சமச்சீரான நிலையின்மைகளுடன்தான் மதிப்பீடு செய்யப்படுகின்றன, சிலிகானுக்கான மதிப்பு 28.0855(3) ஆகும். இந்த மதிப்பின் ஒப்பு நியம நிலையின்மை 1 × 10-5 or 10 ppm ஆகும்.

== மேற்கோள்கள் ==
{{Reflist}}

== வெளி இணைப்புகள் ==
* [http://chemistry.about.com/od/chemistryglossary/a/atomicmassdef.htm அணுநிறை விளக்கம்] {{Webarchive|url=https://web.archive.org/web/20140710035058/http://chemistry.about.com/od/chemistryglossary/a/atomicmassdef.htm |date=2014-07-10 }}
* [http://www.lenntech.com/periodic/mass/atomic-mass.htm தனிமங்களின் அணுநிறை]
{{Authority control}}

[[பகுப்பு:அணுக்கள்]]
[[பகுப்பு:பொருண்மை]]
[[பகுப்பு:வேதியப் பண்புகள்]]
[[பகுப்பு:விகிதவியல்]]

அணு நிறை - திருத்த வரலாறு

07:00, 13 ஏப்பிரல் 2024 இல் imported>Kanags