மங்கள் பாண்டே

2025-01-03T15:57:40Z

2001:16A2:C0CB:53BC:2C49:5BFF:FE51:68C0:

{{Infobox person
|name=மங்கள் பாண்டே<br/>Mangal Pandey
|image=Mangal pandey gimp.jpg
|imagesize = 150px
|birth_date=19 சூலை 1827
|death_date={{death date and age|1857|4|8|1827|7|19}}
|birth_place=நாக்வா, பாலியா, [[உத்தரப் பிரதேசம்]], [[இந்தியா]]
|death_place=பராக்பூர், [[கல்கத்தா]], [[இந்தியா]]
|religion = [[இந்து]]
|occupation = [[சிப்பாய்]] வங்காளத்தின் வங்காளத்தின் 34வது பிரிவு, [[பிரித்தானியக் கிழக்கிந்தியக் கம்பனி]]
|known = [[இந்திய விடுதலைப் போராட்டம்|இந்திய விடுதலைப் போராட்ட]] வீரர்
}}
'''மங்கள் பாண்டே''' (''Mangal Pandey'', [[இந்தி]]: मंगल पांडे, [[சூலை 19]], [[1827]] – [[ஏப்ரல் 8]], [[1857]]) என்பவர் [[பிரித்தானியக் கிழக்கிந்தியக் கம்பனி]]யின் [[வங்காளம்|வங்காள]]த்தின் 34வது ரெஜிமெண்ட்டில் ஒரு [[சிப்பாய்|படை வீரராக]] இருந்தவர். [[இந்தியா]]வின் விடுதலைப் போராட்ட வீரர்களில் ஒருவராகக் கருதப்படுகிறார். கிழக்கிந்தியக் கம்பனிக்கெதிராகக் கிளர்ச்சியில் ஈடுபட்டமைக்காக மரணதண்டனை விதிக்கப்பட்டுத் தூக்கிலிடப்பட்டார்.

== வாழ்க்கைச் சுருக்கம் ==
பாண்டே [[உத்தரப் பிரதேசம்|உத்தரப் பிரதேசத்தில்]] நாக்வா என்ற கிராமத்தில் பிறந்தார். நாக்வா கிராம மக்கள் தங்கள் முன்னோராக மங்கல் பாண்டேயையே குறிப்பிடுவர்<ref name="Misra">Misra, Amaresh, ''Mangal Pandey: True Story of an Indian Revolutionary'', 2005, Rupa & Co. publisher, Delhi</ref>. மிகவும் தீவிரமான [[இந்துத்துவம்|இந்து]]வான பாண்டே [[1849]] இல் [[ஆங்கிலேயர்|ஆங்கிலேயரின்]] பிரித்தானியக் கிழக்கிந்தியக் கம்பனியில் தனது 22வது வயதில் இணைந்தார். அக்கம்பனியின் 34வது பிரிவில் பணிபுரிந்தார். இப்பிரிவினரே அதன் பிரித்தானிய அலுவலர்களைத் தாக்கி [[சிப்பாய்க் கிளர்ச்சி, 1857]] அல்லது [[முதல் இந்திய விடுதலைப் போர்|இந்திய விடுதலைப் போரை]] ஆரம்பித்து வைத்தவர்கள்.

== 1857 நிகழ்வு ==
[[கல்கத்தா]]வின் [[பரக்பூர்]] நகரில் [[மார்ச் 29]], [[1857]] மாலையில் தனது பிரிவில் உள்ள பல சிப்பாய்கள் கிளர்ந்தெழுத்த நிலையில் உள்ளார்கள் என லெப்டினண்ட் போ (Baugh) என்பவன் அறிவித்தான். அத்துடன் அவர்களில் மங்கள் பாண்டே என்பவன் [[துப்பாக்கி]]யுடன் மற்றைய சிப்பாய்களை கிளர்ச்சிக்கு வருமாறு அழைத்துக் கொண்டிருந்ததாகவும் முதலில் காணும் வெள்ளைக்காரரை சுட்டு விடுவதாகவும் பயமுறுத்திக் கொண்டிருப்பதாகவும் அறிவித்தான். போ உடனேயே தனது குதிரையில் ஏறி வாளையும் உருவிக்கொண்டு சிப்பாய்களை நோக்கிச் சென்றார். குதிரைச் சத்தத்தைக் கேட்ட பாண்டே அங்கிருந்த [[பீரங்கி]]யின் பின்னால் மறைந்து கொண்டு போவை நோக்கிச் சுட்டார். எனினும் அது குறி தவறி குதிரையைத் தாக்கியது<ref name="Malleson">[Source: "The Indian Mutiny of 1857", Col. G. B. Malleson, reprint 2005, Rupa & Co. Publishers, New Delhi]</ref>. போ பாண்டேயை நோக்கிச் சுட ஆரம்பித்தான். பாண்டே தனது வாளை உருவி போவைத் தாக்கிக் காயப்படுத்தினான். அதன் பின்னரே ஷேக் பால்ட்டு என்ற வேறொரு சிப்பாய் பாண்டேயை மேலும் தாக்காதாவாறு தடுத்து நிறுத்தினான்<ref name="Malleson"/>. பாண்டே பின்னர் கைது செய்யப்பட்டு ஒரு வார விசாரணைக்கு பின்னர் அவருக்கு மரண தண்டனை விதிக்கப்பட்டது. [[ஏப்ரல் 8]], [[1857]] இல் அவர் தூக்கிலிடப்பட்டார் <ref name="Malleson"/>. 34வது இராணுவப் பிரிவு தனது அலுவலர்களைப் பாதுகாக்கத் தவறியமைக்காக [[மே 6]] ஆம் நாள் கலைக்கப்பட்டது<ref name="Malleson"/>.

பாண்டேயின் தாக்குதல் இந்தியர்களின் எழுச்சிக்கு முன்னோடியாகப் பலராலும் பார்க்கப்படுகிறது. மங்கள் பாண்டே "தியாகி" எனப் பின்னால் கருதப்பட்டர்.

== திரைப்படம் ==
மங்கள் பாண்டேயின் வரலாற்றைச் சித்தரிக்கும் சில திரைப்படங்கள் வெளி வந்தன. ''The Rising'' என்ற திரைப்படம் [[2005]] இல் வெளிவந்தது<ref>[http://www.tamiloviam.com/unicode/08110504.asp பாலிவுட் : மங்கள் பாண்டே - எழுச்சி :: விமர்சனம் (பாஸ்டன் பாலாஜி)]</ref>

== நினைவுகள் ==
இந்திய அரசு மங்கள் பாண்டே நினைவாக [[அக்டோபர் 5]], [[1984]] இல் [[அஞ்சல் தலை]] ஒன்றையும் முதல்-நாள் உறையையும் வெளியிட்டது.

== மேற்கோள்கள் ==
{{reflist|2}}

== வெளி இணைப்புகள் ==
* [http://www.bhagatsingh.com/mangal_pandey.htm மங்கள் பாண்டே]
* [http://freeindia.org/freedom_fighters/page31.htm விடுதலை வீரர்கள் - மங்கள் பாண்டே] {{Webarchive|url=https://web.archive.org/web/20070208165635/http://freeindia.org/freedom_fighters/page31.htm |date=2007-02-08 }}
* [http://www.indianpost.com/viewstamp.php/Alpha/M/MANGAL%20PANDEY Indian Postal Service's commemorative stamp on Mangal Pandey]
* [http://www.tribuneindia.com/2005/20050814/spectrum/book10.htm எழுச்சிக்குத் தலைமை தாங்கிய மனிதன்]
* [http://www.hindu.com/mp/2003/12/08/stories/2003120800340200.htm The man who started the Revolt]
* [http://www.indianexpress.com/res/web/pIe/print.php?content_id=72790 In the Footsteps of Mangal Pandey]
* [http://www.india-world.net/india/history/modern/1857.html The Great Mutiny: India's War for Freedom] {{Webarchive|url=https://web.archive.org/web/20060821093728/http://www.india-world.net/india/history/modern/1857.html |date=2006-08-21 }}

[[பகுப்பு:இந்திய விடுதலைப் போராட்ட வீரர்கள்]]
[[பகுப்பு:1827 பிறப்புகள்]]
[[பகுப்பு:1857 இறப்புகள்]]
[[பகுப்பு:இந்தியாவில் தூக்கிலிடப்பட்டவர்கள்]]
[[பகுப்பு:இந்திய விடுதலைக்கு முன் தூக்கிலிடப்பட்டவர்கள்]]

தமிழர்விக்கி - பயனர் பங்களிப்புக்கள் [ta]

மங்கள் பாண்டே