துளசிமதி முருகேசன்
துளசிமதி முருகேசன் (Thulasimathi Murugesan) இந்தியாவின் தமிழ்நாடு மாநிலம் காஞ்சிபுரத்தைச் சேர்ந்த ஓர் இணை இறகுப்பந்து விளையாட்டு வீராங்கனையாவார். 2022 ஆம் ஆண்டு சீனாவின் காங்சோவில் நடைபெற்ற இணை ஆசிய விளையாட்டுப் போட்டியில் இவர் இந்தியாவைப் பிரதிநிதித்துவப்படுத்தினார். [1] இணை இறகுப்பந்து போட்டிகளில், கீழ் மூட்டுகள் குறைபாடு வகையினருக்கான போட்டிகளான எசுஎல்3-எசுயூ5 போட்டிகளிலும் மற்றும் மேல்மூட்டு குறைபாட்டு வகையினருக்கான போட்டிகளில் பங்கேற்று மூன்று பதக்கங்களை வென்றார்.
தொழில்
2023 ஆம் ஆண்டு திசம்பர் மாதத்தில் துளசிமதி 5 ஆவது பன்னாட்டு பாசா துபாய் இணை இறகுப்பந்து போட்டியில் மானசி இயோசியுடன் சேர்ந்து பெண்கள் இரட்டையர் பிரிவில் தங்கப் பதக்கத்தை வென்றார் [2] பின்னர் கலப்பு இரட்டையர் எசுஎல்3 மற்றும் எசுயூ5 வகை போட்டி ஆகியவற்றில் நித்தேசு குமாருடன் இணைந்து மற்றொரு வெண்கலப் பதக்கம் வென்றார். மானசியுடன் இணைந்து, உலக இணை-இறகுப்பந்து இரட்டையர் தரவரிசையில் இவர் இரண்டாவது இடத்தில் உள்ளார். [3] ஐதராபாத்து நகரத்தில் பயிற்சியாளர் கோபிசந்திடம் துளசிமதி பயிற்சி பெற்றார். [4]
காங்சூவில் நடந்த 4 ஆவது ஆசிய இணை விளையாட்டுப் போட்டியில் தங்கம், வெள்ளி, வெண்கலம் என மூன்று பதக்கங்களை துளசிமதி வென்றார். [5] 2023 ஆம் ஆண்டு அக்டோபர் மாதம் 25 ஆம் தேதியன்று கலப்பு இரட்டையர் எசுஎல்3-எசுயூ5 வகையினர் இரட்டையர் போட்டியில் நித்தேசு குமாருடன் அணியாக விளையாடி வெண்கலப் பதக்கம் வென்றார். அக்டோபர் மாதம் 27 ஆம் தேதியன்று பெண்கள் இரட்டையர் எசுஎல்3-எசுயூ5 வகையினர் போட்டியில் மானசி இயோசியுடன் இணைந்து வெள்ளிப் பதக்கத்தை வென்றார் தனிப்பட்ட பெண்கள் ஒற்றையர் எசுயூ5 வகையினருக்கான போட்டியில் தங்கப் பதக்கம் வென்று முதலிடத்தைப் பிடித்தார். [6] [7]
மேற்கோள்கள்
- ↑ Sportstar, Team (2023-10-21). "India at Asian Para Games 2023: Full list of Indian athletes" (in en). https://sportstar.thehindu.com/asian-games/india-at-asian-para-games-2023-complete-list-of-indian-athletes-china-hangzhou-2022-news/article67445414.ece.
- ↑ "Manasi-Murugesan win gold, Pramod Bhagat secures two silver medals at Fazza Dubai Para Badminton International". 2023-12-18. https://timesofindia.indiatimes.com/sports/badminton/manasi-murugesan-win-gold-pramod-bhagat-secures-two-silver-medals-at-fazza-dubai-para-badminton-international/articleshow/106091958.cms.
- ↑ PTI (2023-12-18). "Manasi-Murugesan pair wins women's doubles gold, Bhagat secures 2 silver medals at Fazza Dubai Para Badminton International" (in en). https://sportstar.thehindu.com/badminton/pramod-bhagat-silver-medal-2023-fazza-dubai-para-badminton-international-manasi-joshi-thulasimathi-murugesan-results/article67650233.ece.
- ↑ "Dubai Para Badminton International 2023: Manasi-Thulasimathi wins doubles gold, India return with 14 medals" (in English). https://khelnow.com/badminton/2023-12-dubai-para-badminton-international-2023-report.
- ↑ Parkar (2023-10-28). "Asian Para Games 2023 medal tally: Indian winners - full list". https://olympics.com/en/news/asian-para-games-2023-hangzhou-india-medal-winners-tally-table.
- ↑ "Asian Para Games Day 3: Medal rush continues for India; medal tally stands at 34" (in en). 2023-10-25. https://www.livemint.com/sports/asian-para-games-day-3-medal-rush-continues-nitesh-kumar-thulasimathi-murugesan-bag-bronze-in-badminton-mixed-doubles-11698208260678.html.
- ↑ Sekar. "Asian Para Games : பாரா ஆசிய விளையாட்டு போட்டி - பேட்மிண்டனில் தங்கம் வென்ற தமிழச்சி!" (in ta). https://tamil.hindustantimes.com/sports/murugesan-thulasimathi-wins-gold-medal-in-womens-singles-su5-badminton-event-at-asian-para-games-2023-131698389246885.html.