சாந்தி சச்சிதானந்தம்: திருத்தங்களுக்கு இடையிலான வேறுபாடு

'''சாந்தி சச்சிதானந்தம்''' (''Shanthi Sachithanandam'', 14 ஆகத்து 1958 - 27 ஆகத்து 2015) [[இலங்கைத் தமிழர்|இலங்கைத் தமிழ்]] அரசியல் விமர்சகரும், சமூக ஆர்வலரும், மனித உரிமைச் செயற்பாட்டாளரும், பெண்ணியல் வாதியுமாவார்.

[[யாழ்ப்பாணம்]], ஈச்சமோட்டையில் 1958 ஆம் ஆண்டில் பிறந்த சாந்தி சச்சிதானந்தம், [[கொழும்பு]] புனித பிரிஜெட் கல்லூரியில் கல்வி பயின்றார். பின்னர் [[மொறட்டுவ பல்கலைக்கழகம்|மொறட்டுவைப் பல்கலைக்கழகத்தில்]] [[கட்டிடக்கலை]]யில் பட்டம் பெற்றவர். இவரது தந்தை வல்லிபுரம் சச்சிதானந்தம் வழக்கறிஞராகப் பணியாற்றியவர். [[லங்கா சமசமாஜக் கட்சி]] உறுப்பினர். [[இலங்கை நாடாளுமன்றத் தேர்தல், 1970|1970 நாடாளுமன்றத் தேர்தலில்]] [[நல்லூர் தேர்தல் தொகுதி]]யில் போட்டியிட்டவர். மனோரஞ்சன் ராஜசிங்கம் (இறப்பு: 2009) என்பவரைத் திருமணம் புரிந்த சாந்தி சச்சிதானந்தத்திற்கு இரண்டு பெண் பிள்ளைகளும், ஒரு ஆண் பிள்ளையும் உள்ளனர்.

சாந்தி சச்சிதானந்தம் [[ஐக்கிய நாடுகள் அவை]]யில் பணியாற்றியவர். விழுது மேம்பாட்டு மையம் என்ற அரச சார்பற்ற சமூக நிறுவனம் ஒன்றை ஆரம்பித்து, அதன் நிறைவேற்றுப் பணிப்பாளராகப் பணியாற்றினார். 2012 சனவரி 23 அன்று [[கொழும்பு|கொழும்பில்]] உள்ள விழுதுகள் நிறுவனத்தின் அலுவலகம் இனந்தெரியாத நபர்களால் உடைக்கப்பட்டு தேடுதல் நடத்தப்பட்டது. [[மட்டக்களப்பு|மட்டக்களப்பில்]] "மன்று" என்ற அரச சார்பற்ற நிறுவனத்தை ஆரம்பித்து, அதன் மூலம் சமூக அபிவிருத்திப் பணிகளில் ஈடுபட்டார். ஆங்கிலத்திலும், தமிழிலும் பல அரசியல், சமூக ஆய்வுக் கட்டுரைகளை எழுதியுள்ளார். ''இருக்கிறம்'' என்ற மாத இதழை வெளியிட்டு வந்தார்.

சாந்தி சச்சிதானந்தம் [[இலங்கை நாடாளுமன்றத் தேர்தல், 2010|2010 நாடாளுமன்றத் தேர்தலில்]] [[மட்டக்களப்பு தேர்தல் மாவட்டம்|மட்டக்களப்பு மாவட்டத்தில்]] மக்கள் உரிமைகள் கட்சியின் சார்பில் சுயேட்சைக் குழுவில் போட்டியிட்டுத் தோல்வியடைந்தார்.

நீண்டகாலம் சுகவீனமுற்றிருந்த சாந்தி சச்சிதானந்தம் 2015 ஆகத்து 27 இல் கொழும்பில் காலமானார்.