சங்கரப்பிள்ளை பரராஜசிங்கம்
| சேர் எஸ். பரராஜசிங்கம் S. Pararajasingam | |
|---|---|
| இலங்கை செனட் சபை உறுப்பினர் | |
| தனிநபர் தகவல் | |
| பிறப்பு | 25 சூன் 1896 |
| தேசியம் | இலங்கைத் தமிழர் |
| படித்த கல்வி நிறுவனங்கள் | கல்கிசை புனித தோமையர் கல்லூரி உவெசுலி கல்லூரி, கொழும்பு |
சேர் சங்கரப்பிள்ளை பரராஜசிங்கம் (Sangarapillai Pararajasingam, பி25 சூன் 1896 - ) மூதவை உறுப்பினராகவும் இருந்தவர்.
இளமைக் காலம்
பரராஜசிங்கம் 1896 சூன் 25 இல் ஏ. வி. சங்கரப்பிள்ளை என்பவருக்குப் பிறந்தார்.[1] தந்தை மானிப்பாய் இந்துக் கல்லூரியை நிறுவியவர்..[1] பரராஜசிங்கம் கொழும்பு கல்கிசையில் உள்ள புனித தோமையர் கல்லூரியிலும், பின்னர் உவெசுலி கல்லூரியிலும் கல்வி கற்றார்.[1] இவர் சேர் பொன். அருணாசலத்தின் மகள் பத்மாவதி என்பவரைத் திருமணம் புரிந்தார்.[1]
பணி
பரராஜசிங்கம் வோல்கார்ட் பிறதர்சு நிறுவனத்தின் தரகராகப் பணியாற்றினார்.[1] இவர் முதலீட்டாளர்கள் சபையின் தலைவராகவும், விவசாய, தொழிற்சாலை கடன் வழங்குவோர் திணைக்களம், இலங்கை தென்னை சபை, இலங்கை அறிவியல், தொழிற்துறை ஆய்வு நிறுவனம் ஆகியவற்றின் இயக்குனர் குழும உறுப்பினராகவும் இருந்தார்.[1]
பிற்கால வாழ்க்கை
பரராஜசிங்கம் 1954 ஆம் ஆண்டில் இலங்கை செனட் சபை உறுப்பினராக நியமிக்கப்பட்டார்.[1] இலங்கையின் வேளாண்மைத் துறையில் இவர் ஆற்றிய பணிக்காக 1955 ஆம் ஆண்டில் சேர் பட்டம் வழங்கிக் கௌரவிக்கப்பட்டார்.[2]
மேற்கோள்கள்
- ↑ 1.0 1.1 1.2 1.3 1.4 1.5 1.6 Arumugam, S. (1997). Dictionary of Biography of the Tamils of Ceylon. பக். 129–130. http://www.noolaham.org/wiki/index.php?title=Dictionary_of_Biography_of_the_Tamils_of_Ceylon.
- ↑ "Fourth Supplement". The London Gazette (40500): 3305. 3 சூன் 1955. http://www.london-gazette.co.uk/issues/40500/supplements/3305/page.pdf.