தமிழர்விக்கி

வே. குமாரசுவாமி

வேலுப்பிள்ளை குமாரசுவாமி (Velupillai Kumaraswamy, 31 சூலை 1919 - 10 மார்ச் 1978) இலங்கைத் தமிழ் வழக்கறிஞரும், அரசியல்வாதியும், முன்னாள் நாடாளுமன்ற உறுப்பினரும் ஆவார்.[2]

வி. குமாரசுவாமி
V. Kumaraswamy
நா.உ.
இலங்கை நாடாளுமன்றம்
for சாவகச்சேரி
பதவியில்
1947–1956
முன்னையவர்எவருமில்லை
பின்னவர்வ. ந. நவரத்தினம்
தனிப்பட்ட விவரங்கள்
பிறப்பு(1919-07-31)31 சூலை 1919
இறப்புமார்ச்சு 10, 1978(1978-03-10) (அகவை 58)
கொழும்பு
பிள்ளைகள்வாகீசுவரன், துஷ்யந்தி[1]
முன்னாள் கல்லூரிஇலங்கை சட்டக் கல்லூரி
தொழில்வழக்கறிஞர்
இனம்இலங்கைத் தமிழர்

வாழ்க்கைச் சுருக்கம்

குமாரசுவாமி யாழ்ப்பாண மாவட்டம் சாவகச்சேரியில் வழக்கறிஞர் வேலுப்பிள்ளை என்பவருக்குப் பிறந்தார்.[1] ஆசிரியராகத் தனது பணியைத் தொடங்கிய குமாரசாமி சாவகச்சேரி இந்துக் கல்லூரியில் துணை அதிபரானார்.[3] பின்னர் துணை உணவுக் கட்டுப்பாட்டதிகாரியாகப் பணியாற்றிய பின்னர்,[3] இலங்கை சட்டக் கல்லூரியில் கல்வி பயின்று[3] கொழும்பில் வழக்கறிஞராகப் பணியாற்றினார்.

அரசியலில்

குமாரசுவாமி சட்டக்கல்லூரியில் படிக்கும் போது அகில இலங்கைத் தமிழ்க் காங்கிரஸ் கட்சியின் வேட்பாளராக சாவகச்சேரி தேர்தல் தொகுதியில் 1947 நாடாளுமன்றத் தேர்தலில் போட்டியிட்டு வெற்றி பெற்று நாடாளுமன்றம் சென்றார்.[4] 1948 ஆம் ஆண்டில் தமிழ் காங்கிரசு கட்சி டொன் ஸ்டீபன் சேனாநாயக்கவின் அரசில் இணைந்ததை அடுத்து குமாரசுவாமி நாடாளுமன்ற செயலாளராக நியமிக்கப்பட்டார்.[1][5] துணை நிதி அமைச்சராகவும், துணை உணவு, விவசாய அமைச்சராகவும் பணியாற்றினார்.[3]

1952 தேர்தலில் மீண்டும் போட்டியிட்டு வெற்றி பெற்றார்.[6] 1953 ஆம் ஆண்டில் தமிழ்க் காங்கிரசு கட்சி அரசில் இருந்து விலகினாலும், குமாரசுவாமி ஆளும் ஐக்கிய தேசியக் கட்சியில் இணைந்திருந்தார்.[7] ஐக்கிய தேசியக் கட்சி சிங்களம் மட்டும் சட்டத்திற்கு ஆதரவு தெரிவித்ததை அடுத்து குமாரசுவாமி 1956 இல் அக்கட்சியை விட்டு வெளியேறினார்.[7]

குமாரசுவாமி 1956 தேர்தலில் சுயேட்சையாகப் போட்டியிட்டு தமிழரசுக் கட்சி வேட்பாலர் வி. என். நவரத்தினத்திடம் தோற்றார்.[1][8] பின்னர் மார்ச் 1960,[9] 1970[10] தேர்தல்களில் தமிழ்க் காங்கிரசின் சார்பில் போட்டியிட்டுத் தோல்வியடைந்தார். 1977 தேர்தலில் சுயேட்சை வேட்பாளராகப் போட்டியிட்டு மீண்டும் நவரத்தினத்திடம் தோற்றார்.[11]

சமூகப் பணி

குமாரசாமியின் முயற்சியினால் சாவகச்சேரியில் நீதிமன்றம் ஒன்று உருவானது.[3] சாவகச்சேரி இந்துக் கல்லூரியை "ஏ" தரமாக உயர்த்தினார்.[3] சாவகச்சேரியில் மகளிர் பாடசாலை ஒன்றை உருவாக்கினார்.[3] கைதடி வயோதிபர் இல்லம் இவரது முயற்சியினால் உருவாக்கப்பட்டது.[3]

மறைவு

குமாரசாமி குருநாகலில் உள்ள தனது பண்ணைக்குச் சென்ற வேளையில் மாரடைப்பு ஏற்பட்டு, கொழும்பு மருத்துவமனைக்குக் கொண்டு செல்லப்பட்டு அங்கு 1978 மார்ச் 10 ஆம் நாள் தனது 58-ஆவது அகவையில் காலமானார்.[12]

மேற்கோள்கள்

  1. ↑ 1.0 1.1 1.2 1.3 Arumugam, S. (1997). Dictionary of Biography of the Tamils of Ceylon. பக். 90. http://www.noolaham.org/wiki/index.php?title=Dictionary_of_Biography_of_the_Tamils_of_Ceylon. 
  2. ↑ "Directory of Past Members: Kumaraswamy, Velupillai". இலங்கை நாடாளுமன்றம். http://www.parliament.lk/en/members-of-parliament/directory-of-past-members/viewMember/2433. 
  3. ↑ 3.0 3.1 3.2 3.3 3.4 3.5 3.6 3.7 "அமரர் குமாரசாமிக்கு நீதிமன்றத்தில் அஞ்சலி". ஈழநாடு (யாழ்ப்பாணம்). 16 மார்ச் 1978. 
  4. ↑ "Result of Parliamentary General Election 1947". இலங்கைத் தேர்தல் திணைக்களம் இம் மூலத்தில் இருந்து 2015-09-24 அன்று. பரணிடப்பட்டது.. https://web.archive.org/web/20150924115557/http://www.slelections.gov.lk/pdf/Results_1947%20GENERAL%20ELECTION.PDF. 
  5. ↑ Rajasingham, K. T.. "Chapter 14: Post-colonial realignment of political forces". Sri Lanka: The Untold Story இம் மூலத்தில் இருந்து 2013-06-14 அன்று. பரணிடப்பட்டது.. https://web.archive.org/web/20130614111429/http://www.atimes.com/ind-pak/CK10Df03.html. பார்த்த நாள்: 2015-02-28. 
  6. ↑ "Result of Parliamentary General Election 1952". இலங்கைத் தேர்தல் திணைக்களம் இம் மூலத்தில் இருந்து 2015-09-24 அன்று. பரணிடப்பட்டது.. https://web.archive.org/web/20150924115603/http://www.slelections.gov.lk/pdf/Results_1952%20GENERAL%20ELECTION.PDF. 
  7. ↑ 7.0 7.1 Rajasingham, K. T.. "Chapter 15: Turbulence in any language". Sri Lanka: The Untold Story இம் மூலத்தில் இருந்து 2018-09-26 அன்று. பரணிடப்பட்டது.. https://web.archive.org/web/20180926121357/http://www.atimes.com/ind-pak/CK17Df01.html. பார்த்த நாள்: 2015-02-28. 
  8. ↑ "Result of Parliamentary General Election 1956". இலங்கைத் தேர்தல் திணைக்களம் இம் மூலத்தில் இருந்து 2015-09-24 அன்று. பரணிடப்பட்டது.. https://web.archive.org/web/20150924115606/http://www.slelections.gov.lk/pdf/Results_1956%20GENERAL%20ELECTION.PDF. 
  9. ↑ "Result of Parliamentary General Election 1960-03-19". இலங்கைத் தேர்தல் திணைக்களம் இம் மூலத்தில் இருந்து 2015-07-12 அன்று. பரணிடப்பட்டது.. https://web.archive.org/web/20150712194326/http://www.slelections.gov.lk/pdf/Results_1960_03_19%20GENERAL%20ELECTION.PDF. 
  10. ↑ "Result of Parliamentary General Election 1970". Department of Elections, Sri Lanka இம் மூலத்தில் இருந்து 2009-12-09 அன்று. பரணிடப்பட்டது.. https://web.archive.org/web/20091209231958/http://www.slelections.gov.lk/pdf/Results_1970%20GENERAL%20ELECTION.PDF. 
  11. ↑ "Result of Parliamentary General Election 1977". இலங்கைத் தேர்தல் திணைக்களம் இம் மூலத்தில் இருந்து 2011-07-17 அன்று. பரணிடப்பட்டது.. https://web.archive.org/web/20110717002624/http://www.slelections.gov.lk/pdf/General%20Election%201977.PDF. 
  12. ↑ "குமாரசாமி காலமானார்". ஈழநாடு (யாழ்ப்பாணம்). 11 மார்ச் 1978. http://noolaham.net/project/352/35105/35105.pdf. பார்த்த நாள்: 29 மே 2020. 
"https://tamilar.wiki/index.php?title=வே._குமாரசுவாமி&oldid=24231" இருந்து மீள்விக்கப்பட்டது