ராஜ் கௌதமன்
பேராசிரியர் ராஜ் கௌதமன் (பிறப்பு: 1950) தமிழ் பண்பாட்டு ஆய்வாளர். பழந்தமிழ் பண்பாட்டு வரலாறுசார்ந்து முன்னோடியான ஆய்வுகளைச் செய்தவர். தலித் சிந்தனையாளர்.
| இயற்பெயர்/ அறியும் பெயர் |
ராஜ் கௌதமன் |
|---|---|
| பிறப்புபெயர் | எஸ்.புஷ்பராஜ் |
| பிறந்ததிகதி | 1950 |
| அறியப்படுவது | எழுத்தாளர் |
வாழ்க்கைச் சுருக்கம்
ராஜ் கௌதமனின் இயர்பெயர் எஸ்.புஷ்பராஜ். எஸ்.கௌதமன் என்று பெயரை மாற்றிக்கொண்டார். 1950ல் விருதுநகர் மாவட்டம் புதுப்பட்டி என்ற ஊரில் பிறந்தார். அங்கேயே தொடக்கக் கல்வி பயின்றார். மதுரையில் உயர்நிலைப்படிப்பு. பாளையங்கோட்டை தூய சவேரியார் கல்லூரியில் விலங்கியல் இளங்கலை, தமிழிலக்கியத்தில் முதுகலை, அண்ணாமலை பல்கலைக்கழகத்தில் சமூகவியலில் முதுகலைப் பட்டங்கள் பெற்றார். அ. மாதவையா பற்றிய ஆய்வுகளுக்காக முனைவர் பட்டம் பெற்றார்.
புதுவை மாநிலத்தில் அரசு கலைக்கல்லூரிகளில் தமிழ்பேராசிரியராக இருந்தார். 2011இல் ஓய்வு பெற்றார். மனைவி க.பரிமளம். மகள் டாக்டர் நிவேதா.
இவருடைய தலித் பார்வையில் தமிழ்ப் பண்பாடு எனும் நூல் சங்க இலக்கியம் பற்றிய சிறந்ததொரு ஆய்வு நூலாகும். 1990களில் தலித் அரசியல் எழுச்சி பெற்றபோது தமிழ்ச் சமூகத்தில் பல மாற்றங்கள் நிகழ்ந்தன. இச்சூழலில் ராஜ்கௌதமனின் இந்நூல் 1994இல் வெளிவந்தது சிறப்புக்குரிய ஒன்றாகும்.
பங்களிப்பு
தமிழ் பண்பாட்டை அடித்தள மக்களின் கோணத்தில் மார்க்சிய ஆய்வுமுறைப்படி ஆராய்ந்தவர் ராஜ் கௌதமன். தலித் சிந்தனைகளை தொகுப்பதிலும் அவற்றின் மீதான வரலாற்றுபூர்வ விமர்சனத்தை கட்டமைப்பதிலும் பெரும்பங்காற்றியிருக்கிறார்.
விருதுகள்
- விளக்கு விருது (2016)
- விஷ்ணுபுரம் இலக்கிய வட்டம் விருது (2018)
- வானம் இலக்கிய விருது (2022)
வாழ்க்கை வரலாறுகள்,ஆவணங்கள்
ஆவணப்படம்
ராஜ் கௌதமன் பற்றி இரண்டு ஆவணப்படங்கள் எடுக்கப்பட்டுள்ளன
- பாட்டும் தொகையும் - (இயக்கம் கே.பி.வினோத்) விஷ்ணுபுரம் இலக்கியவட்டம் (காணொளி)
- வரலாற்றை வழிமறித்தவன் (இயக்கம் ஜெய்) நீலம் இலக்கிய இயக்கம் (காணொளி)
நூல்கள்
- ராஜ்கௌதமன் - பண்பாட்டு ஆய்வாளரை மதிப்பிடுதல். விஷ்ணுபுரம் இலக்கியவட்டம்
- ராஜ் கௌதமன் 72- நீலம் பண்பாட்டு மையம். தொகுப்பாசிரியர் அ.ஜெகன்னாதன்
ஆய்வு நூல்கள்
தலித்தியம்
- க.அயோத்திதாசர் ஆய்வுகள்
- தலித்திய விமர்சனக் கட்டுரைகள்
- தலித் பார்வையில் தமிழ்ப்பண்பாடு
- தலித் அரசியல்
- தலித் பண்பாடு
- விளிம்புநிலை மக்களின் போராட்டங்கள்
பண்பாட்டு ஆய்வுகள்
- பாட்டும் தொகையும் பாட்டும் தொகையும் தொல்காப்பியமும் தமிழ்ச சமுக உருவாக்கமும்
- ஆகோள் பூசலும் பெருங்கற்கால நாகரிகமும்
- ஆரம்பகட்ட முதலாளியமும் தமிழ்ச்சமூக உருவாக்கமும்
- ராஜ் கௌதமன் கட்டுரைகள்
- பதிற்றுப்பத்து ஐங்குறுநூறு சில அவதானிப்புகள்
- பழந்தமிழ் அகவல்பாடல்களில் பரிமாற்றம்
- கலித்தொகை பரிபாடல் ஒரு விளிம்புநிலைநோக்கு
பின்நவீனத்துவம்
- அறம் அதிகாரம்
- தமிழ்ச்சமூகத்தில் அறமும் ஆற்றலும்
- பொய்+அபத்தம்= உண்மை
இலக்கிய ஆய்வுகள்
- அ.மாதவையா வாழ்வும் படைப்பும்
- அ.மாதவையாவின் தமிழ் நாவல்கள்
- கண்மூடிவழக்கமெல்லாம் மண்மூடிப்போக.
- கலித்தொகை-பரிபாடல்: ஒரு விளிம்புநிலை நோக்கு.
- சுந்தர ராமசாமி கருத்தும் கலையும்
- புதுமைப்பித்தன் என்னும் பிரம்மராக்ஷஸ்
- வள்ளலாரின் ஆன்மிகப்பயணம்
நாவல்கள்
- சிலுவைராஜ் சரித்திரம்
- காலச்சுமை
- லண்டனில் சிலுவைராஜ்
சிறுகதை
- பாவாடை அவதாரம்
மொழிபெயர்ப்புகள்
- உயிரினங்களின் தோற்றம் - சார்லஸ் டார்வினின் 'The Origin of species'
- மனவளமான சமுதாயம் - எரிக் ஃப்ராமின் 'The Sane Society'
- பாலற்ற பெண்பால் - ஜெர்மெய்ன் கரீரின் 'The Female Eunuch'
- பாலியல் அரசியல் - கேட் மில்லர்
- அன்பு எனும் கலை -எரிக் ஃப்ராம் (The Art of Loving)
- பெண்ணியம் வரலாறும் கோட்பாடுகளும் -சாரா காம்பிள், டோரில் மோய்
- கதைக்கருவூலம் சமணமதக் கதைகள்
- கிளிக்கதைகள் எழுபது (சுகசப்ததி)
மொழிபெயர்க்கப்பட்ட படைப்புகள்
- Dark Interiors: Essays on Caste and Dalit Culture - Translator 'Theodore Baskaran', SAGE Publications Pvt. Ltd, 2021