ரஜ்னி குமார்
ரஜ்னி குமார்(Rajni Kumar) (பிறப்பு: மார்ச் 5, 1923) ஒரு பிரித்தானிய நாட்டைச் சேர்ந்த இந்திய கல்வியாளர் ஆவார் மேலும் ஸ்பிரிங்டேல்ஸ் குழும பள்ளிகளின் நிறுவனர் ஆவார்.[1][2][3] நாட்டின் நான்காவது உயரிய விருதான பத்மஸ்ரீ விருதினை இந்திய அரசு இவருக்கு 2011ல் வழங்கி கௌரவித்தது. .[4]
| இயற்பெயர்/ அறியும் பெயர் |
ரஜ்னி குமார் |
|---|---|
| பிறந்ததிகதி | பிறந்த தேதி மார்ச் 5,1923 |
| பிறந்தஇடம் | இங்கிலாந்து |
| பணி | கல்வியாளர் |
| குறிப்பிடத்தக்க விருதுகள் | பத்மஸ்ரீ Gr8! பெண்கள் விருது |
| துணைவர் | யுதிட்டிரர் குமார் |
| இணையதளம் | Official web site |
சுயசரிதை
நீ நான்சி ஜாய்ஸ் மார்கரெட் ஜோன்ஸ்(ரஜ்னி) [3] மார்ச் 5, 1923 அன்று இங்கிலாந்தில் பிறந்தார்.[2] இவர் 1941 இல் லண்டன் ஸ்கூல் ஆஃப் எகனாமிக்ஸில் பட்டம் பெற்றார், தனது சக மாணவரான யுதிஷ்டர் குமாரை தனது 23வது வயதில் திருமணம் செய்து கொண்டார். இந்தியாவுக்குச் சென்ற பிறகு இந்தியப் பெயரான ரஜ்னி என்னும் பெயரை வைத்துக் கொண்டார். 1950 ஆம் ஆண்டில், அவர் உள்ளூர் பள்ளியான சல்வான் பெண்கள் பள்ளியில் முதல்வராக சேர்ந்து, 1955 வரை அங்கு பணியாற்றினார்.[3] இவர் 1953 ஆம் ஆண்டில் தேசிய இந்திய பெண்கள் கூட்டமைப்பில் அதன் நிறுவனர்களில் ஒருவராக சேர்ந்தார்.[2] 1955 ஆம் ஆண்டில், ரஜ்னி குமார் தனது சொந்த பள்ளியான ஸ்பிரிங்டேல்ஸ் பள்ளியை தனது வீட்டின் அறையில் மழலையர் பள்ளியாகத் தொடங்கினார். இந்த நிறுவனம், பல ஆண்டுகளாக வளர்ந்து இந்தியாவில் நான்கு பள்ளிகளாகவும், துபாயில் ஒரு பள்ளியாகவும் விரிவடைந்துள்ளது. மேலும் 6000 க்கும் மேற்பட்ட மாணவர்களைக் கொண்டுள்ளது.
ரஜ்னி குமார் லேடி இர்வின் கல்லூரியின் முன்னாள் தலைவராகவும் இருந்தார்.[3] மற்றும் தேசிய பால பவனின் துணைத் தலைவராகவும் செயல்பட்டார்.[2] ஜெனீவாவில் நடந்த உலகளாவிய அமைதி மாநாடுகளிலும், மாஸ்கோவில் நடந்த குழந்தைகள் உரிமைகளுக்கான உலக காங்கிரஸ் கூட்டத்திலும் பங்கேற்றுள்ளார். 1988 இல் ஓய்வு பெற்ற பிறகு, ரஜ்னி குமார் தனது ஸ்பிரிங்டேல்ஸ் கல்விச் சமூகத்தின் தலைவராக கல்விப்பணிகளில் ஈடுபட்டார். தேசிய எழுத்தறிவு இயக்கத்தின் கீழ் மேற்கொள்ளப்பட்ட ஒரு முயற்சியான டெல்லி எழுத்தறிவு பள்ளிகள் திட்டத்துடனும் இணைந்து பணியாற்றியவராவார்.
ரஜ்னி குமார் 2005 இல் சர்வதேச மகளிர் தினத்தன்று தென்னாப்பிரிக்கா அரசாங்கத்தால் பாராட்டப்பட்டார்.[2] ஜி.ஆர். 8 ன் பெண்கள் விருது பெற்றுள்ளார்.இந்திய அரசு 2011ல் நாட்டின் நான்காவது உயரிய விருதான பத்மஸ்ரீ விருதினை ரஜ்னி குமாருக்கு வழங்கி கௌரவித்தது.[3] 2012 ஆம் ஆண்டில், தென்னாப்பிரிக்கா அரசாங்கத்தால் ஆர்டர் ஆப் தி கம்பேனியன்ஸ்(Order of the Companions of O. R. Tambo )என்னும் விருதினை வழங்கியது.[5]
குறிப்புகள்
- ↑ "Springdales". Springdales. 2014 இம் மூலத்தில் இருந்து 4 ஜூன் 2017 அன்று. பரணிடப்பட்டது.. https://web.archive.org/web/20170604190205/http://springdales.com/history.asp.
- ↑ 2.0 2.1 2.2 2.3 2.4 "Rajni Kumar : A Class Apart". Boloji. 25 December 2005 இம் மூலத்தில் இருந்து 17 மார்ச் 2015 அன்று. பரணிடப்பட்டது.. https://web.archive.org/web/20150317141347/http://www.boloji.com/index.cfm?md=Content&sd=Articles&ArticleID=1796.
- ↑ 3.0 3.1 3.2 3.3 3.4 "The woman behind the legendary Springdales School". Gulf News. 17 April 2013 இம் மூலத்தில் இருந்து 10 ஜூலை 2014 அன்று. பரணிடப்பட்டது.. https://web.archive.org/web/20140710145544/http://gulfnews.com/life-style/people/the-woman-behind-the-legendary-springdales-school-1.1171628.
- ↑ "Padma Shri". Ministry of Home Affairs, Government of India. 2014 இம் மூலத்தில் இருந்து 15 நவம்பர் 2014 அன்று. பரணிடப்பட்டது.. https://www.webcitation.org/6U68ulwpb?url=http://mha.nic.in/sites/upload_files/mha/files/LST-PDAWD-2013.pdf.
- ↑ "Rajni Kumar conferred with prestigious award in South Africa". 5 November 2012 இம் மூலத்தில் இருந்து 2014-11-30 அன்று. பரணிடப்பட்டது.. https://archive.today/20141130052736/http://www.hindustantimes.com/india-news/newdelhi/rajni-kumar-conferred-with-prestigious-award-in-south-africa/article1-955352.aspx.