புளிமூட்டை ராமசாமி
புளிமூட்டை ராமசாமி (Pulimoottai Ramasamy) (மே 15, 1912 - 1975) எனப் பரவலாக அறியப்பட்ட டி. ஆர். ராமசுவாமி ஐயர் தமிழ் நாடகத், திரைப்பட நகைச்சுவை நடிகராவார்.[1]
| புளிமூட்டை ராமசாமி | |
|---|---|
 புளிமூட்டை ராமசாமி, 1951 | |
| இயற் பெயர் | தூத்துக்குடி இராமசுவாமி ஐயர் |
| பிறப்பு | மே 15, 1912 தூத்துக்குடி, இந்தியா |
| தொழில் | நடிகர், நகைச்சுவை நடிகர் |
| நடிப்புக் காலம் | 1940கள் முதல் |
இவரது இயற்பெயர் தூத்துக்குடி இராமசுவாமி ஐயர்.[2] என். எஸ். கிருஷ்ணன் குழுவினருடன் பல திரைப்படங்களில் நடித்தார்.[1] 1941 ஆம் ஆண்டில் வெளிவந்த அலிபாபாவும் நாற்பது திருடர்களும் திரைப்படத்தில் நடிக்கும் போது என். எஸ். கிருஷ்ணன் இவரை "புளிமூட்டை" என்றே அழைத்து வந்தார். இதனால் இவர் "புளிமூட்டை ராமசாமி'" என்றே பிரபலமாக அழைக்கப்பட்டார்.[3]
ராமசாமி முதலில் டி. கே. எஸ். நாடகக் கம்பெனியில் சேர்ந்து நடித்துக் கொண்டிருந்தார். கம்பெனி கலைக்கப்பட்டதும், தனது சொந்த ஊரான தூத்துக்குடிக்குச் சென்று அங்கேயே திருமணமும் செய்து கோவில் ஒன்றில் பட்டர் வேலையில் சேர்ந்தார். சில மாதங்களில் மனைவி இறந்து விடவே, அவரது தந்தை மகனுக்கு இரண்டாவது திருமணம் செய்துவைத்தார். பின்னர் என். எஸ். கிருஷ்ணனின் நாடகக் கம்பெனியில் சேர்ந்தார்.[4]
நடித்த திரைப்படங்கள்
- அலிபாபாவும் நாற்பது திருடர்களும் (1941)
- கண்ணகி (1942)
- குபேர குசேலா (1943)[5]
- மனோன்மணி (1943)
- ஹரிதாஸ் (1944)
- பிரபாவதி (1944)
- தெய்வ நீதி (1947)
- தன அமராவதி (1947)
- ராஜகுமாரி (1947)
- அபிமன்யு (1948)
- மோகினி (1948)
- மருதநாட்டு இளவரசி (1948)
- விசித்ர வனிதா (1948)
- பில்ஹணா (1948)
- கன்னியின் காதலி (1949)
- பாரிஜாதம் (1950)
- வனசுந்தரி (1951)
- மணமகள் (1951)
- சர்வாதிகாரி (1951)
- குமாரி (1952)
- மதன மோகினி (1953)
- நல்ல தங்கை (1955)
மேற்கோள்கள்
- ↑ 1.0 1.1 "நட்சத்திரம் பிறந்த நாள்". குண்டூசி: பக். 34-35. மே 1951.
- ↑ ராண்டார் கை. "Ali Babavum Naarpathu Thirudargalum 1941". தி இந்து இம் மூலத்தில் இருந்து 9 நவம்பர் 2012 அன்று. பரணிடப்பட்டது.. https://web.archive.org/web/20121109063837/http://www.hindu.com/cp/2011/05/01/stories/2011050150341600.htm. பார்த்த நாள்: 5 செப்டெம்பர் 2016.
- ↑ "எம்.ஜி.ஆர். நடித்த "அலிபாபா" தமிழில் முதல் வண்ணப்படம்". GoldenTamilCinema.net. http://www.goldentamilcinema.net/index.php/mgr/articles/93-2012-08-05-14-37-59. பார்த்த நாள்: 5 செப்டெம்பர் 2016.
- ↑ "”Pulimoottai” Ramaswami Iyer". தின இதழ். https://antrukandamugam.wordpress.com/2015/02/28/pulimoottai-ramaswami-iyer/. பார்த்த நாள்: 5 செப்டெம்பர் 2016.
- ↑ "Kubera Kuchela 1943". தி இந்து. http://www.thehindu.com/todays-paper/tp-features/tp-cinemaplus/kubera-kuchela-1943/article3021915.ece. பார்த்த நாள்: 5 செப்டெம்பர் 2016.