தம்பி (2019 திரைப்படம்)

தம்பி ( Thambi ) என்பது ஜீது ஜோசப் இயக்கத்தில் 2019இல் தமிழ் மொழியில்-வெளிவந்த அதிரடித் திரைப்படமாகும். இப்படத்தின் கதையை இரென்சில் டிசில்வா, சமீர் அரோரா, ஜீது ஜோசப், கே.மணிகண்டன் ஆகியோர் இணைந்து எழுதியுள்ளனர். இதை வியாகாம் 18 மோஷன் பிக்சர்ஸும் பேரலல் மைண்ட் புரொடக்சன்சும் இணைந்து தயாரித்தன. கார்த்திக், ஜோதிகா, சத்யராஜ் ஆகியோர் நடித்துள்ள இப்படம் ஒரு இளைஞனைப் பின்தொடர்கிறது. அவன் ஒரு உள்ளூர் அரசியல்வாதியின் நீண்டகாலமாக காணாமல் போன மகன் என்று நம்பப்படுகிறது. ஆனால் அவனது அடையாளத்தை அரசியல்வாதியின் மகள் கேள்விக்குள்ளாகுகிறார். இப்படத்தில் நிகிலா விமல், அன்சன் பால், பாலா, சௌகார் ஜானகி, சீதா ஆகியோர் இணைந்து நடித்துள்ளனர். கோவிந்த் வசந்தா இப்படத்திற்கு இசையமைத்திருந்தார் .

தம்பி
இயக்கம்	ஜீது ஜோசப்
தயாரிப்பு	வியாகாம் 18 மோஷன் பிக்சர்ஸ் சுராஜ் சாதனா
திரைக்கதை	இரென்சில் டி'சில்வா சமீர் அரோரா ஜீது ஜோசப் கே. மணிகண்டன்
இசை	கோவிந்த் வசந்தா
நடிப்பு	கார்த்திக் ஜோதிகா சத்யராஜ் நிகிலா விமல்
ஒளிப்பதிவு	ஆர். டி. ராஜசேகர்
படத்தொகுப்பு	வி. எஸ். விநாயக்
கலையகம்	வியாகாம்18 ஸ்டுடியோஸ் பேரலல் மைண்ட் புரொடக்சன்ஸ்
விநியோகம்	வியாகாம்18 ஸ்டுடியோஸ்
வெளியீடு	20 திசம்பர் 2019 (2019-12-20)
ஓட்டம்	151 நிமிடங்கள்
நாடு	இந்தியா
மொழி	தமிழ்

இத்திரைப்படம் 20 திசம்பர் 2019 அன்று வெளியானது. நடிப்பு, அதிரடி காட்சிகள் கதை ஆகியவற்றுகாகப் பாராட்டப்பட்டது. கலவையான வரவேற்பு இருந்தபோதிலும், படம் வணிக ரீதியான வெற்றியைப் பெற்றது.

வெளி இணைப்புகள்

• இணையதள திரைப்பட தரவுத்தளத்தில் தம்பி (2019 திரைப்படம்)