செம்பாக்கம்

செம்பாக்கம் (ஆங்கிலம்:Sembakkam), இந்தியாவின் தமிழ்நாடு மாநிலத்தில் அமைந்துள்ள செங்கல்பட்டு மாவட்டத்தில் தாம்பரம் வட்டத்தில் உள்ள தாம்பரம் மாநகராட்சியின் ஒரு பகுதியாகும்.

செம்பாக்கம்
அமைவிடம்
நாடு	இந்தியா
மாநிலம்	தமிழ்நாடு
மாவட்டம்	செங்கல்பட்டு
வட்டம்	தாம்பரம்
அருகாமை நகரம்	தாம்பரம் மற்றும் சென்னை
ஆளுநர்
முதலமைச்சர்
மாவட்ட ஆட்சியர்	எஸ். அருண்ராஜ், இ. ஆ. ப
மக்கள் தொகை • அடர்த்தி	45,356 (2011) • 7,257/km2 (18,796/sq mi)
நேர வலயம்	இந்திய சீர் நேரம் (ஒ.ச.நே + 05:30)
பரப்பளவு	6 சதுர கிலோமீட்டர்கள் (2.3 sq mi)
குறியீடுகள் • அஞ்சல் குறியீட்டு எண் • 600 073 • வாகனம் • TN11

அமைவிடம்

செம்பாக்கம் பகுதி, காஞ்சிபுரத்திலிருந்து 60 கிமீ; தாம்பரத்திலிருந்து 5 கிமீ; சென்னையிலிருந்து 30 கிமீ தொலைவிலும் உள்ளது.

அரசியல்

செம்பாக்கம் பகுதி, தாம்பரம் (சட்டமன்றத் தொகுதி) மற்றும் ஸ்ரீபெரும்புதூர் மக்களவைத் தொகுதிக்குட்பட்டதாகும்.

மக்கள்தொகை பரம்பல்

2011-ஆம் ஆண்டு மக்கள் தொகை கணக்கெடுப்பின்படி இங்கு 11,668 வீடுகளும், 45,356 மக்கள்தொகையும், கொண்டது. மேலும் இப்பகுதியின் எழுத்தறிவு 92.52% மற்றும் பாலின விகிதம் 1,000 ஆண்களுக்கு, 998 பெண்கள் வீதம் உள்ளனர்.

வரலாறு

தேர்வுநிலை பேரூராட்சியாக இருந்த செம்பாக்கம், 2013-ஆம் ஆண்டு முதல் நகராட்சியாக தரம் உயர்த்தப்பட்டது. செம்பாக்கம் நகராட்சியில் செம்பாக்கம், இராஜகீழ்பாக்கம் மற்றும் கௌரிவாக்கம் பகுதிகள் கொண்டது.

தாம்பரம் மாநகராட்சியுடன் இணைத்தல்

முதன்மைக் கட்டுரை: தாம்பரம் மாநகராட்சி

3 நவம்பர் 2021 அன்று செம்பாக்கம் பகுதி தாம்பரம் மாநகராட்சியுடன் இணைக்கப்பட்டது.