சுப்பிரமணியன் பூபதி
சுப்பிரமணியன் பூபதி (Subramanian Bhupathy)(1962-2014) என்பவர் தமிழ்நாட்டு ஊர்வினவியல் ஆய்வாளர் ஆவார். இவர் கோயம்புத்தூரில் உள்ள சலீம் அலி பறவையியல் மற்றும் இயற்கை வரலாற்று மையத்தில் முதன்மை ஆய்வாளராகப் பணியாற்றி வந்தார்.[2]
| சுப்பிரமணியன் பூபதி | |
|---|---|
| பிறப்பு | சூலை 17, 1932 [1] |
| இறப்பு | ஏப்ரல் 28, 2014 (அகவை 51) |
| தேசியம் | இந்தியர் |
| பணியிடங்கள் | சலீம் அலி பறவையியல் மற்றும் இயற்கை வரலாற்று மையம், ஆனைகட்டி |
| அறியப்படுவது | ஊர்வன பற்றிய ஆராய்ச்சிக்காக (பாம்பு மற்றும் ஆமை) |
ஆய்வுப்பணி
பூபதி மலைப்பாம்புகளைப் பற்றியும் அவற்றில் வாழ்க்கைச் சூழலையும் பற்றி குறிப்பிடத்தக்க ஆய்வுகள் செய்துள்ளார். மேலும் ஆமைகளைப் பற்றியும் ஆய்வுகள் செய்துள்ளார். மேற்குத் தொடர்ச்சி மலைகள், தமிழகக் கடற்கரைப் பகுதிகள், இமயமலையில் சிக்கிம் பகுதி முதலானவற்றில் கள ஆய்வு செய்துள்ளார்.[3] மேலும் இவரது பணி ஆமைகளின் கள்ள வணிகத்தைத் தடுத்திட மிகவும் உதவியாக இருந்ததாகக் கூறப்படுகின்றது.[3] மேலும் நன்னீர் ஆமைகளைப் பற்றிய இவரது பணி முன்னோடியானது என்று ஆய்வாளர்கள் கூறுகின்றனர்.[4]
இறப்பு
இவர் அகத்திய மலையில் மூன்றாண்டுகளாக நடந்து வந்த ஒரு கள ஆய்வுப் பணிக்குத் தலையேற்று நடத்தி வந்தார். 2014-ஆம் ஆண்டு அகத்திய மலையில் அப்பணியை மேற்பார்வையிட வந்திருந்தபோது மலையில் இருந்து இறங்குகையில் தவறி விழுந்து இறந்து விட்டார்.[2]
இவரது இறப்புக்குப் பின் இவரது அரிய பணியைப் போற்றும் விதமாக திருவில்லிப்புத்தூர் காப்புக்காட்டில் கண்டுபிடிக்கப் பட்ட கேழல்மூக்கன் வகைத் தவளை ஒன்றுக்கு நாசிக்காபாட்ராக்கசு பூபதி என்று பெயரிடப்பட்டுள்ளது.[3] மேலும் கோவையின் ஆனைகட்டி பகுதியில் கண்டறிப்பட்ட கேடயவால் பாம்பின் (Uropeltis bhupathyi) புது இனம் ஒன்றுக்கும் இவரது பெயர் இடப்பட்டுள்ளது.[5]
மேற்கோள்கள்
- ↑ "Birth Date". https://prabook.com/web/subramanian.bhupathy/195490. பார்த்த நாள்: 5 May 2020.
- ↑ 2.0 2.1 "Noted Indian Herpetologist Bhupathy Subramaniam Dies During Expedition". http://www.reptilesmagazine.com/Snakes/Information-News/Noted-Indian-Herpetologist-Bhupathy-Subramaniam-Dies-During-Expedition/. பார்த்த நாள்: 5 May 2020.
- ↑ 3.0 3.1 3.2 "The afterlife of Subramaniam Bhupathy". https://www.livemint.com/Sundayapp/Jzd8gtHKDP3sdKkKmJA7yI/The-afterlife-of-Subramaniam-Bhupathy.html. பார்த்த நாள்: 5 May 2020.
- ↑ "Noted herpetologist Dr Bhupathy Subramaniam passes away". https://www.wti.org.in/news/noted-herpetologist-dr-bhupathy-subramaniam-passes-away/. பார்த்த நாள்: 5 May 2020.
- ↑ "Scientists describe new species of shieldtail snakes found in Anaikatti hills". https://india.mongabay.com/2018/07/scientists-describe-new-species-of-shieldtail-snakes-found-in-anaikatti-hills/. பார்த்த நாள்: 5 May 2020.