சுகுணா வரதாச்சாரி

சுகுணா வரதாச்சாரி (பிறப்பு: 20 டிசம்பர் 1945) தமிழ்நாட்டைச் சேர்ந்த கருநாடக இசைப் பாடகர் ஆவார். வீணை இசைப்பதிலும் புலமை பெற்றவர்.

சுகுணா வரதாச்சாரி

சுகுணா வரதாச்சாரி

இயற்பெயர்/ அறியும் பெயர்	சுகுணா வரதாச்சாரி
பிறந்ததிகதி	20 டிசம்பர் 1945
அறியப்படுவது	கருநாடக இசைப் பாடகர்

ஆரம்பகால வாழ்க்கை

தமிழ்நாட்டின் தாராபுரத்தில் பிறந்தவர். பி. கே. இராஜகோபால ஐயர், முசிரி சுப்பிரமணிய ஐயர், கே. எஸ். கிருஷ்ணமூர்த்தி ஆகியோரிடம் இசை பயின்றார்.

தொழில் வாழ்க்கை

சென்னைப் பல்கலைக்கழகத்தில் இசை ஆசிரியராக 1984 முதல் 2004 வரை பணியாற்றினார். அகில இந்திய வானொலியில் உயர்தரக் கலைஞராக அங்கீகரிக்கப்பட்டவர். இந்தியாவிலும் உலகமெங்கிலும் கச்சேரிகள் நடத்தி முசிறி சுப்ரமணியம், எம். எம். தண்டபாணி தேசிகர் ஆகியோர் இயற்றிய பாடல்களைப் பாடி புகழ் பெற்றவர். இந்திய அளவிலும் உலக அளவிலும் இசை குறித்தான கருத்தரங்கங்களில் பங்குகொண்டு செயல் விளக்கங்களை அளித்துள்ளார்.

விருதுகள்

• சங்கீத கலாஜோதி (2007), வழங்கியது: சுஸ்வரா
• ஆச்சார்ய இரத்னகரா (2011), வழங்கியது: கிளீவ்லாண்ட் தியாகராஜ விழாக் குழு
• சங்கீத கலா ஆச்சார்யா (2010), வழங்கியது: மியூசிக் அகாதெமி, சென்னை
• சங்கீத் பிராச்சார்யா (2014) சண்முகானந்தா பைன் ஆர்ட்ஸ், மும்பை
• சங்கீத நாடக அகாதமி விருது (2015)

பெற்ற சிறப்புகள்

• சென்னையில் அமைந்துள்ள நிகழ்த்தும் கலைகளுக்கான நடுவண் பல்கலைக்கழகத்தின் இயக்கக் குழு உறுப்பினர்.
• சென்னை மியூசிக் அகாடமியின் வல்லுநர் குழு உறுப்பினர்.

உசாத்துணை

• Suguna Varadachari, சுருதி இணைய இதழ், 20 டிசம்பர் 2017

வெளியிணைப்புகள்

• ‘Concert singing was a revered thing those days’ - சுகுணா வரதாச்சாரியின் செவ்வி, தி இந்து (ஆங்கிலம்), 9 ஏப்ரல் 2015
• Hidden layers - ஒரு இசை விமரிசனம், தி இந்து (ஆங்கிலம்), 18 டிசம்பர் 2014