க. ஜெயபாலன்
க. ஜெயபாலன் (பிறப்பு:மார்ச் 10, 1974) என்பவர் ஒரு தமிழ்ப் பேராசிரியர் மற்றும் எழுத்தாளர் ஆவார்.
| இயற்பெயர்/ அறியும் பெயர் |
க. ஜெயபாலன் |
|---|---|
| பிறந்ததிகதி | மார்ச்சு 10, 1974 |
| பிறந்தஇடம் | ஆத்திப்பட்டு,செஞ்சி வட்டம்,விழுப்புரம் மாவட்டம் |
| தேசியம் | இந்தியா |
| அறியப்படுவது | பேராசிரியர் , எழுத்தாளர் |
பிறப்பு, கல்வி
விழுப்புரம் மாவட்டம், செஞ்சி வட்டம், ஆத்திப்பட்டு எனும் ஊரில் பிறந்த இவர் பி.லிட்., (தருமபுரம் ஆதினம் கலைக்கல்லூரி , மயிலாடுதுறை, 1995), முதுகலை தமிழ் இலக்கியம் (மதுரை காமராசர் பல்கலைக்கழகம், மதுரை, 1997) மற்றும் முனைவர் (சென்னைப் பல்கலைக்கழகம், சென்னை, 2007) பட்டங்களைப் பெற்றிருக்கிறார். முனைவர் பட்ட ஆய்வுகளுக்கு மேற்பார்வையாளராக இருந்து வருகிறார்.[1] தற்போது சென்னையிலுள்ள நந்தனம் அரசுக் கலைக்கல்லூரியில் பேராசிரியராகப் பணியாற்றி வருகிறார்.[2]
நூல்கள்
இவர் கீழ்க்கண்டவை உள்ளிட்ட 15க்கும் மேற்பட்ட நூல்களையும், 50க்கும் மேற்பட்ட கட்டுரைகளையும் எழுதியுள்ளார். பல நூல்களைத்தொகுத்தும் உள்ளார்.[1] [2]
- மண்வாசணையும் திரைக்கலையும்
- திரைச்சிந்தனைகள்
- மு.வ.வும் காண்டேகரும்
- தமிழர் இலக்கியப்புரட்சி
- சேக்கிழார் கவித்திறம்
- பன்முகப்பார்வையில் பட்டுக்கோட்டை
- விமர்சன வேள்வி[3]
- பாபாசாகேப் அம்பேத்கர் காட்டும் பௌத்தம்
- பண்பாட்டுப் புரட்சியில் பௌத்தம்
- விசாகை (குறுங்காவியம்)
- அநாத பிண்டிகர் (குறுங்காவியம்)
- ஒப்பீட்டு நோக்கில் பௌத்தமும் தமிழும் (முதற் பகுதி)[4]
- வீ.வே முருகேசபாகவதர் தேர்ந்தெடுக்கப்பட்ட பாடல்களும் கவிதைகளும் (தொகுப்பு நூல்)[5]
- புத்தரும் அவர் சமயத்தின் எதிர்காலமும் (பதிப்பு நூல்)
- தென்னிந்தியாவில் பாபாசாகேப் அம்பேத்கர்[6]
விருதுகள்
கீழ்க்கண்டவை உள்ளிட்ட பல விருதுகளைப் பெற்றுள்ளார்.[2]
- சாதனையாளர் விருது (புத்தர் ஒளி பன்னாட்டு அமைப்பு, 2012)
- பௌத்த ஆய்வாளர் விருது (இந்தியத் தமிழ்க் கவிஞர் மன்றம், 2013)
- புத்த சுடரொளி தமிழ் விருது (இதய ரோஜா பதிப்பகமும் கவிதை சக்தி இயக்கமும் இணைந்து, 2013)
- சிறந்த பௌத்த எழுத்து விருது (கலை இலக்கியப் பேரவை, 2021)
அயலகப்பயணம்
பௌத்தப் பயணமாக நேபாளம், வியட்நாம் ஆகிய நாடுகளுக்கு சென்று வந்துள்ளார்.[1] 19 மே 2023இல் இலங்கையில் பௌத்த ஆய்வுகளுக்கான நாகானந்தா சர்வதேச நிறுவனத்தில் நடைபெற்ற தென்னிந்தியாவில் பௌத்தம் மற்றும் குறுந்தி விகார் குறித்த கருத்தரங்கில் கலந்துகொண்டு கட்டுரை அளித்துள்ளார்.[7]
வெளி இணைப்புகள்
மேற்கோள்கள்
- ↑ 1.0 1.1 1.2 ஒப்பீட்டு நோக்கில் பௌத்தமும் தமிழும் (முதற் பகுதி), அறம் பதிப்பகம், முள்ளிப்பட்டு, திருவண்ணாமலை மாவட்டம், நூல், பக்.4-6
- ↑ 2.0 2.1 2.2 பௌத்தத் தமிழ் இலக்கிய வரலாறு (20ஆம் நூற்றாண்டு), தமிழ்நாடு பௌத்த சங்கம், சென்னை, நவம்பர் 2014 நூலில் ஆசிரியர் குறிப்பு
- ↑ கூகுள் புக்ஸ்
- ↑ நூல் அரங்கம், தினமணி, 4 சூலை 2022
- ↑ இணையில்லா ஆல்ஆகி, காலச்சுவடு, அக்டோபர் 2021
- ↑ நல்வரவு: தென்னிந்தியாவில் பாபாசாகேப் அம்பேத்கர், இந்து தமிழ் திசை, 8 அக்டோபர் 2022
- ↑ Symposium of the Buddhist Heritage of Kurundi and Buddhism in South India, Sri Lanka