ஆரையம்பதி மகா வித்தியாலயம்
ஆரையம்பதி மகா வித்தியாலயம் இலங்கை, மட்டக்களப்பு மாவட்டத்தில் உள்ள ஒரு தமிழ்ப் பாடசாலை ஆகும். இது மட்டக்களப்பு - கல்முனை நெடுஞ்சாலையில் மட்டக்களப்பில் இருந்து 6 கிலோ மீற்றர் துாரத்தில் அமைந்துள்ளது.
| ஆரையம்பதி மகா வித்தியாலயம் | |
|---|---|
 | |
| அமைவிடம் | |
| மட்டக்களப்பு, கிழக்கு மாகாணம், 31000 இலங்கை | |
| தகவல் | |
| வகை | அரச பாடசாலை 1AB |
| நிறுவல் | 1957 |
| பள்ளி மாவட்டம் | மட்டக்களப்பு கல்வி வலயம் |
| ஆணையம் | கல்வியமைச்சு |
| மொழி | தமிழ் |
| இல்லங்கள் | சேரன் ,சோழன், பாண்டியன் |
| விளையாட்டுக்கள் | உதைப்பந்தாட்டம் |
வரலாறு
1957 களில் ஆரையம்பதியில் இருந்து காத்தான்குடி பாடசாலைகளுக்கு சென்று உயர்கல்வியை பெற்றுக்கொள்வதில் எழுந்த இனவாதத்தை அடிப்படையாக கொண்ட தடைகளின் காரணமாக ஊர் பிரமுகர்கள் சேர்ந்து ஆரையம்பதி முகத்துவாரத் தெருவில் 1957 அக்டோபர் 23 அன்று “தமிழ்கலவன் பாடசாலை“ எனும் பெயருடன் 12 மாணவர்களைக்கொண்டு இப்பாடசாலை ஆரம்பிக்கப்பட்டது.[1] இதற்காகக் காணிகளை ப. க. சுப்பிரமணியம் என்பவர் நன்கொடையாக வழங்கியிருந்தார். 2008 ஆண்டளவில் 40 இற்கு மேற்பட்ட ஆசிரியர்கள் 5 கல்விசாரா ஊழியர்கள் உட்பட 900 மாணவர்களையும் இது கொண்டுள்ளது.
முக்கிய கட்டங்கள்
இப்பாடசாலை வரலாற்றின் முக்கிய காலகட்டங்கள் வருமாறு:[2]
- 1978 இல் ஏற்பட்ட சூறாவழி மூலம் பாதிப்புக் குள்ளானது.
- 1990 ஆம் ஆண்டு இப்பாடசாலை கொத்தணிப்பாடசாலையாக திறமையாகச் செயற்பட்டு வந்தது.
- 1999 இல் இலங்கைப் பாதுகாப்புப் படைமுகாமாக மாற்றப்பட்டத்து.
- 2004 ஆம் ஆண்டு கடற்கோள் அனர்த்ததில் பாதிக்கப்பட்ட மக்களுக்கு ஓர் ஆதரவளிக்கும் தங்குமிடமாகச் சுமார் 3 மாதங்கள் செயற்பட்டது.
- 2006 ஆம் ஆண்டில் இப்பாடசாலையில் ஜனாதிபதியின் நடமாடும் செயலகம் நடத்தபபட்டு ஆயிரக்கணக்கான மக்கள் அதன் மூலம் நன்மையடைந்தனர்.
- 2006 ஆம் ஆண்டு பரிசளிப்பு விழாவின்போது பாடசாலையின் முக்கிய நிகழ்வாக ‘ஆரணி’ என்ற நூல் கன்னி மலராக வெளியிடப்பட்டது.
- 2007 ஆம் ஆண்டு மட்டக்களப்பில் காணப்பட்ட யுத்தச் சூழல் காரணமாக ஏற்பட்ட பிராந்திய இடப்பெயர்வின்போது இப்பாடசாலை ஓர் இடைத்தங்கல் முகாமாக சுமார் 4 மாதகாலம் இயங்கியது.
- பல்வேறுபட்ட தடைகள், இடர்ப்பாடுகளை எதிர்கொண்டு தொடர்ந்தும் கலவன் பாடசாலையாக இயங்கும் இப்பாடசாலை 2005 மே 1 இல் 1AB தரப்பாடசாலையாகத் தரமுயர்த்தப்பட்டது.
- 2009 ஆம் ஆண்டு முதல் உயர் தரத்தில் விஞ்ஞானப் பிரிவில் மாணவர்கள் கல்வி கற்கக்கூடியதாக அனைத்து நடவடிக்கைகளும் பூர்த்தி செய்யப்பட்டுள்ளன.
அதிபர்கள்
| பெயர் | தொடக்கம் | வரை |
|---|---|---|
| திரு.ரி.துரைச்சாமி | 23.10.1957 | 02.03.1959 |
| திரு.எஸ்.சோமசுந்தரம் | 03.03.1959 | 01.01.1960 |
| திரு.ஏ.நாகையா | 02.01.1960 | 01.01.1961 |
| திரு.வீ.ரி.சின்னையா | 02.01.1961 | 05.01.1965 |
| திரு.அ.யோ.வீரசிங்கம் | 06.01.1965 | 31.08.1965 |
| திரு.எஸ்.தம்பிராசா | 01.09.1965 | 15.09.1965 |
| திரு.மு.தவகுலரெட்னம் | 16.09.1965 | 18.01.1969 |
| திரு.ஜோர்ச்.சோமநாதன் | 19.01.1969 | 25.06.1969 |
| திரு.எஸ்.சிவலிங்கம் | 26.06.1969 | 31.12.1972 |
| திரு.ஏ.பரமாநந்தம் | 01.01.1973 | 07.01.1979 |
| திரு. .ஸ்ரீராஜசிங்கம் | 08.01.1979 | 11.01.1981 |
| திரு.என்.வாமதேவன் | 12.01.1981 | 06.01.1985 |
| திரு.ஈ.கணபதிப்பிள்ளை | 07.01.1985 | 28.05.1989 |
| திரு.ரி.சச்சிதாநந்தமுதலி | 25.05.1989 | 14.06.1989 |
| திரு.எஸ்.இராமச்சந்திரன் | 15.06.1989 | 01.01.1992 |
| திரு.ஆர்.துரைராஜசிங்கம் | 02.01.1992 | 14.06.1994 |
| திரு.கே.சோமசுந்தரம் | 15.06.1994 | 05.01.1995 |
| திரு.ஆர்.துரைராஜசிங்கம் | 06.01.1995 | 12.10.1995 |
| திரு.கே.தேவலிங்கம் | 13.10.1995 | 31.10.1995 |
| திரு.சி.சுந்தரம்பிள்ளை | 01.11.1995 | 16.10.1998 |
| செல்வி.மா.நேசசவுந்தரி | 17.10.1998 | 31.11.1998 |
| திரு.ந.சிதம்பரமூர்த்தி | 01.12.1998 | 31.08.2004 |
| திரு.ப.ஜீவானந்தம் | 01.09.1994 | 10.11.2004 |
| மா. தங்கவடிவேல் | 2004 |
