அம்பேபுசை
அம்பேபுசை (Ambepussa) என்பது இலங்கையின் சப்ரகமுவ மாகாணத்தின், கேகாலை மாவட்டத்தில் உள்ள ஓர் ஊராகும்.
| அம்பேபுசை අඹේපුස්ස | |
|---|---|
| நகரம் | |
  அம்பேபுசை | |
| ஆள்கூறுகள்: 7°14′30″N 80°12′40″E / 7.2418°N 80.2112°E | |
| நாடு | இலங்கை |
| மாகாணம் | சப்ரகமுவா |
| மாவட்டம் | கேகாலை |
| பரப்பளவு | |
| • மொத்தம் | 4.078 km2 (1.575 sq mi) |
| மக்கள்தொகை (2015) | |
| • மொத்தம் | 4,742 |
| நேர வலயம் | Sri Lanka Standard Time (ஒசநே+5:30) |
| இலங்கை அஞ்சல் துறை | 11212 |
| தொலைபேசி குறியீடு | 035 |
வரலாறு
அம்பேபுசை தொடருந்து நிலையம், முதல் பயணிகள் தொடருந்து சேவைக்கான முடிவிட நிலையமாக இருந்தது. இந்த நிலையத்துக்கான தொடருந்து சேவைக்காக பத்துப் பெட்டிகள் கொண்ட வண்டி கொழும்பு கோட்டை தொடருந்து நிலையத்திலிருந்து 1865 அக்டோபர் 22 அன்று புறப்பட்டது. இருப்பினும் முதல் தொடருந்து 1864 திசம்பர் 27 அன்றே நிலையத்திற்கு வந்தது.[1]
அம்பேபுசை நகரத்தில் முன்னர் அம்பேபுசை ரெஸ்ட்ஹவுஸ் என அழைக்கப்பட்ட ஹெரிடேஜ் அம்பேபுசை ஓட்டல் அமைந்துள்ளது, இது நாட்டின் விடுதி நோக்கத்திற்காக கட்டப்பட்ட பழமையான தங்கும் விடுதியாகும்.[2] 1822 ஆம் ஆண்டு கொழும்பு-கண்டி கண்டி வீதி அமைக்கப்பட்ட போது பொதுப்பணித் திணைக்களத்தின் நிறைவேற்றுப் பொறியியலாளர் வசிப்பிடமாக இது கட்டப்பட்டது.[3] இது 1828 ஆம் ஆண்டில் ஒரு ஓய்வு மாளிகையாக மாற்றப்பட்டது. இது வெள்ளை வட்டத் தூண்களைக் கொண்டதாகவும், ஒரு மாடி, ஏழு அறைகளோடு, டச்சுக்கால வளமனை ஆகியவற்றைக் கொண்டுள்ளது.
மகா ஆற்றின் கரையில் அமைந்துள்ள அரசாங்க வேளாண் பண்ணைக்கு இந்த நகரம் பெயர் பெற்றது.
புவியியல்
அம்பேபுசை கொழும்பிலிருந்து வடமேற்கில் தீவின் மேற்குப் பகுதியில் 59 கிமீ (37 மைல்) தொலைவில் உள்ளது. இது கண்டிக்கு கிழக்கே 57 கிமீ (35 மைல்) தொலைவிலும், குருணாகலுக்கு வடகிழக்கே 34 கிமீ (21 மைல்) தொலைவிலும், கேகாலையில் இருந்து 18 கிமீ (11 மைல்) தொலைவிலும் உள்ளது.
போக்குவரத்து
அம்பேபுசை ஏ1 (கொழும்பு - கண்டி) நெடுஞ்சாலை, ஏ-6 (அம்பேபுசை-திருகோணமலை) வீதியின் சந்தியில் அமைந்துள்ளது. அம்பேபுசை தொடருந்து நிலையம் கம்பகா மாவட்டத்தில் வடகிழக்கில் 7 கிமீ (4.3 மைல்) தொலைவில் அமைந்துள்ளது.
மேற்கோள்கள்
- ↑ Ratnasinghe, Aryadasa. "A historic journey in 1864". The Sunday Times. https://www.sundaytimes.lk/990103/plus12.html.
- ↑ Ellis, Royston. "Stopping over at the resthouses of yesteryear". The Sunday Times. https://www.sundaytimes.lk/101107/Plus/plus_15.html.
- ↑ Jansz, Beverley. "Ambepussa Rest House: A blend of Dutch and Sri Lankan architecture". Sunday Observer. http://archives.sundayobserver.lk/2006/11/12/sid03.asp.