அசும்பு

அசும்பு என்பது நீர் கசிந்தோடும் வாய்க்கால். இது மலைப் பகுதியிலும், வயலோரங்களிலும் கசிந்தோடும். இது பற்றி சங்கப் பாடல்களில் குறிப்புகள் உள்ளன.

• அசும்பில் வள்ளை என்னும் அழல்நிறக் கொடி படர்ந்திருக்கும். அதில் மேயும் இறால் மீன் நெல்வயலில் துள்ளி விழும்.
• அசிம்பின் பகுதியில் வாழைமரம் செழித்து வளரும்.
• வீட்டு முற்றத்தில் அசும்பு ஒழுகும். அங்கு இருந்துகொண்டு கொடை வழங்குதல் ஒருவகை மரபு.
• திருப்பரங்குன்றத்தில் “தெறிநீர் அருவி அசும்பு” இருந்தது.
• அசும்பு அருவியாக மாறி பாறை வெடிப்புகளில் விரிந்தோடும்.
• அசும்பின் கரையில் ஞாழல் என்னும் குங்குமப்பூ மரம் வளரும். அசும்புநீர் தேங்கும் இலஞ்சியில் ஆம்பல் குவளை போன்ற மலர்கள் பூத்திருக்கும்.

வண்டலூர் மலையில் பாயும் அசும்பு