ஜெ. ஜெயரஞ்சன்

ஜெ. ஜெயரஞ்சன்

ஜெ. ஜெயரஞ்சன்

	முனைவர்
	துணைத் தலைவர், தமிழ்நாடு திட்டக்குழு
பிறந்ததிகதி	29 மே 1960 (1960-05-29)
பிறந்தஇடம்	இலுப்பக்கோரை, தஞ்சாவூர் மாவட்டம், மதராசு மாநிலம் (தற்போது தமிழ்நாடு), இந்தியா
குடியுரிமை	இந்தியர்
கல்வி நிலையம்	* மதுரை காமராசர் பல்கலைக்கழகம் (முதுநிலை அறிவியல்) * சென்னைப் பல்கலைக்கழகம் (முனைவர்)

ஜெ. ஜெயரஞ்சன் (J. Jeyaranjan, பிறப்பு: 29 மே 1960), தமிழ்நாட்டைச் சேர்ந்த பொருளியல் அறிஞர், பேராசிரியர், ஆய்வாளர், மற்றும் எழுத்தாளர் ஆவார். தமிழ்நாடு திட்டக் குழு துணைத்தலைவராக 2021 முதல் பணியாற்றி வருகிறார்.

தொடக்க வாழ்க்கை

தஞ்சாவூர் மாவட்டம் திருவையாறுக்கு அருகிலுள்ள இலுப்பக்கோரை எனும் சிற்றூரில் 29 மே 1960 அன்று பிறந்தார் ஜெயரஞ்சன்.

கல்வி

மதுரை காமராசர் பல்கலைக்கழகத்தில் முதுநிலை அறிவியல் பட்ட மேற்படிப்பையும், சென்னை பல்கலைக்கழகத்தில் முனைவர் பட்டத்தையும் (1995) பெற்றார்.

ஆய்வுப்பணி

இந்திய சமூக அறிவியல் ஆராய்ச்சிக் கழகத்தின் (ICSSR) சார்பில் சென்னை வளர்ச்சி ஆராய்ச்சி நிறுவனத்தில் (MIDS) பணியாற்றியுள்ளார். தமிழ்நாட்டின் பொருளாதார மாற்றங்கள் குறித்து 60-க்கும் மேற்பட்ட ஆய்வுப் பணிகளை மேற்கொண்டுள்ளார். ஐம்பதுக்கு மேற்பட்ட ஆய்வுக்கட்டுரைகளையும் எழுதியிருக்கிறார்.

தமிழ்நாடு திட்டக் குழு துணைத்தலைவர்

தமிழ்நாடு திட்டக் குழு துணைத்தலைவராக தமிழக அரசால் 6 சூன் 2021 அன்று தமிழ்நாட்டு முதலமைச்சர் மு. க. ஸ்டாலினால் நியமிக்கப்பட்டார் ஜெயரஞ்சன்.

நூல்கள்

• உலக வர்த்தக அமைப்பு ஓர் அறிமுகம்
• திராவிட ஆட்சி மாற்றமும் வளர்ச்சியும்
• கருப்புப் பணமும் செல்லாத நோட்டும்
• இந்தியப் பொருளாதார மாற்றங்கள் (2018)
• தமிழகத்தில் நிலப்பிரபுத்துவம் வீழ்ந்த கதை (2020)