குப்பி (திரைப்படம்)
| குப்பி ಸೈನೈಡ್ | |
|---|---|
 | |
| இயக்கம் | ஏ. எம். ஆர். ரமேஷ் |
| தயாரிப்பு | பி. கென்சப்பா கௌடா எஸ். இந்துமதி |
| திரைக்கதை | ஏ. எம். ஆர். ரமேஷ் |
| கதைசொல்லி | பிரகாஷ் ராஜ் |
| இசை | சந்தீப் சௌடா |
| நடிப்பு | ரவி கலே ரங்கயனா ரகு மாளவிகா அவினாஷ் தாரா அவினாஷ் |
| ஒளிப்பதிவு | ஆர். ரத்னவேலு |
| படத்தொகுப்பு | அந்தோணி |
| கலையகம் | அக்சயா கிரியேசன்ஸ் |
| விநியோகம் | ஹல்ப்பா கிரியேசன்ஸ் |
| வெளியீடு | 6 ஏப்ரல் 2006 (Tamil) 7 சூலை 2006 (Kannada) |
| ஓட்டம் | 115 நிமிடங்கள் |
| நாடு | இந்தியா |
| மொழி | கன்னடம் தமிழ் |
குப்பி (கன்னடம்: ಸೈನೈಡ್), எனபது ஒரு 2007 ஆண்டைய தமிழ்த் திரைப்படமாகும். இதனை எழுதி இயக்கியவர் ஏ.எம் . ஆர். ரமேஷ் ஆவார். இத்திரைப்படத்தை சயனைட் என்ற பெயரில் இவர் 2006 ஆண்டு கன்டத்தில் இயக்கினார். இப்படத்தின் கதை பெங்களூரைச் சுற்றி 1 ஆகத்து முதல் 20 ஆகத்து 1991 வரையிலான காலகட்டத்தில் இந்தியாவின் முன்னாள் பிரதமர்ராஜீவ் காந்தி கொல்லப்பட்ட பிறகு நடக்கும் சம்பவங்களை சித்தரித்து எடுக்கப்பட்டது ஆகும்.[1] இக்கதை கொலையாளிகள் பெங்களூருக்கு வருவதிலிருந்து துவங்குகிறது, பெங்களூரில் ரங்கநாத்தின் உதவியுடன் அடைக்கலமாதல் வீட்டை வாடகைக்கு பிடித்து தங்குதல் போலீசார் சுற்றி வளைத்தல் இறுதியில் தற்கொலை செய்து கொள்ளல் என கதை முடிகிறது. இப்படத்தில் ரவி காலே சிவராசனாக நடித்துள்ளார், மேலும். மாளவிகா அவினாஷ், தாரா, ரங்கயனா ரகு ஆகியோர் முதன்மை கதாப்பாத்திரங்களிலும், துணைப் பாத்திரங்களில் அவினாஷ், நாசர் சுரேஷ் அபிகார் போன்றோர் நடித்துள்ளனர்.
7 ஜூலை 2006 அன்று கன்னடத்தில் வெளியிடப்பட்ட இந்தப் படம் பரவலான பாராட்டையும் பெற்றது. படத்தின் கதை விமர்சகர்களால் பாராட்டப்பட்டது. நடிகர்கள் ரவி காலே, ரங்கயானா ரகு, தாரா, மாளவிகா அவினாஷ் ஆகியோரின் நடிப்பு , மற்றும் படத்தின் ஓளிப்பதிவு பணிகள் மற்றும் படத்தொகுப்பு ஆகியவையும் பாராட்டப்பட்டன. 2006–07 ஆண்டு கர்நாடக மாநில திரைப்பட விருதுகளில் இரண்டு விருதுகளாக — மூன்றாவது சிறந்த திரைப்படம் மற்றும் சிறந்த நடிகை (தாரா) ஆகியவற்றை பெற்றது. கொலையாளிகளுக்கு அடைக்கலம் கொடுக்கும் ரங்கநாத் பாத்திரத்தை சித்தரித்து நடித்த, ரகு சிறந்த துணை நடிகருக்கான விருது, 54 வது தென்னிந்திய பிலிம்பேர் விருதுகளில் வழங்கப்பட்டது.[2][3] இந்தப் படம் கன்னடத்தில் எடுக்கப்பட்ட சிறந்த படங்களில் ஒன்றாக சில விமர்சகர்களால் கருதப்படுகிறது.[4]
நடிகர்கள்
- ரவி கலே சிவராசன்
- ரங்கயனா ரகு ரங்கநாத்
- மாளவிகா அஸ்வின் சுபா
- தாரா மிருதுளா
- அவினாஷ் கெம்பையா, காவல் துணை ஆணையர்
- நாசர் கார்திகேயன் காவல் துணை இன்ஸ்பெக்டர் ஜெனரல்
- சுரேஷ் ஹெப்ளிகார்
- உஷா பண்டாரி
- முனீர்
- சந்தீப்
- அசோக் ராவ்
- சம்பத் குமார்
- நவீன்
- மோகன் ராஜ்
- மஞ்சுநாத்
- பேங்க் ஜன்ரதன்
- பிரகாஷ் ராஜ் கதை சொல்லி
மேற்கோள்கள்
- ↑ "The detoxifying effect". The Hindu. 7 July 2006. http://www.thehindu.com/todays-paper/tp-features/tp-fridayreview/the-detoxifying-effect/article3218727.ece. பார்த்த நாள்: 8 July 2015.
- ↑ "Karnataka State Film Awards 2006-07". kannadamoviesinfo.wordpress.com. https://kannadamoviesinfo.wordpress.com/karnataka-state-film-awards-2006-07/. பார்த்த நாள்: 8 July 2015.
- ↑ "2007 Filmfare Awards South". awardsandwinners.com. http://awardsandwinners.com/category/filmfare-awards-south/2007/. பார்த்த நாள்: 8 July 2015.
- ↑ "Cyanide: Deserves much applause". rediff.com. 10 July 2006. http://www.rediff.com/movies/review/cyanide/20060710.htm. பார்த்த நாள்: 8 July 2015.