அன்புப்போர்

காதலர்களிடையே ஊடல் காலத்தில் தோன்றும் சொற்போரை அன்புப் போர் எனக் குறிப்பிடுகிறோம்.

சங்கப்பாடல் ஒன்றில்

குறும்பூழ்ப்போர்,

ஈகைப்போர்,

பார்வைப்போர்,

ஒட்டியப்போர்

என்னும் தொடர்கள் வருகின்றன.

கணவன் பரத்தையிடமிருந்து மனைவியிடம் வருகிறான்.
ஊடல் நிகழ்கிறது.

நில் ஆங்கு, நில் ஆங்கு, இவர்தரல் (வராதே) அவள் வீடு என நினைத்தாயா – மனைவி.
குறும்பூழ்ப் போர் கண்டுவந்தேன். வேறு யாதும் அறியேன் – கணவன்.
நீ அவளுக்கு உன்னைத் தந்து ஈகைப்போர் நடத்தியதை அறிவேன் – மனைவி.
நீயும் அவளும் ஆண்யானையும் பெண்யானையும் விளையாடும் பார்வைப்போர் நடத்தியது எனக்குத் தெரியும் – மேலும் மனைவி.
அவள் கன்னத்தில் ஒட்டியப்போர் விளையாடிவிட்டு உன் உதடுகளைத் துடைத்துக்கொண்டு வந்திருப்பதும் தெரிகிறது – தொடர்ந்து மனைவி.

இவற்றைக் காதலர் விளையாட்டு எனலாம்.

இவற்றையும் பார்க்க

சங்ககால விளையாட்டுகள்