திருத்தொண்டர் புராணம் என்பதற்கான மூலத்தைப் பார்

{{சைவ சமயம்}}

'''பெரியபுராணம்''' அல்லது '''திருத்தொண்டர் புராணம்''' என்பது [[சேக்கிழார்]] அவர்களால் பெருங்காப்பிய இலக்கணங்கள் பலவும் கொண்டதாக இயற்றப்பெற்ற சைவ [[காப்பியம்|காப்பியமாகும்]]. [[சுந்தரமூர்த்தி நாயனார்|சுந்தரமூர்த்தி சுவாமிகளின்]] [[திருத்தொண்டத் தொகை]] எனும் நூலை முதல் நூலாகக் கொண்டும். சுந்தரமூர்த்தி சுவாமிகளைக் காப்பிய தலைவராகக் கொண்டும், அவர் போற்றிய சைவ அடியார்களின் வாழ்க்கை வரலாற்றினையும் இந்நூலை சேக்கிழார் விவரிக்கிறார்.

[[திருத்தொண்டத் தொகை]], [[நம்பியாண்டார் நம்பி]] எழுதிய [[திருத்தொண்டர் திருவந்தாதி]] ஆகியவற்றை மூலநூல்களாகக் கொண்டும், [[இரண்டாம் குலோத்துங்க சோழன்|இரண்டாம் குலோத்துங்க சோழனிடம்]] அமைச்சராக இருந்த சேக்கிழார் பல ஊர்களுக்கும் சென்று திரட்டிய தகவல்களைக் கொண்டும் பெரியபுராணம் எழுதப்பெற்றுள்ளது.<ref name="தஇவ">{{cite book | title=தமிழ் இலக்கிய வரலாறு | publisher=சாகித்திய அகாதெமி | author=மு. வரதராசன் | authorlink=மு. வரதராசன் | year=2012 (மறுபதிப்பு) | isbn=8172011644}}</ref><ref>http://www.tamilvu.org/courses/degree/p202/p2021/html/p202142.htm</ref> இரண்டாம் குலோத்துங்க சோழனின் ஆணையின்படி [[தில்லை|தில்லைக்குச்]] சென்றவர், அங்கிருக்கும் இறைவனான [[நடராசர்]] ''உலகெலாம்'' என்று அடியெடுத்துக் கொடுக்க சேக்கிழார் 	''உலகெலாம் உணர்ந்து ஓதற்கு அரியவன்'' எனப் பெரியபுராணத்தினைத் தொடங்கியதாக நம்பப்படுகிறது. 

இடைக்கால இலக்கியத்தில் மக்களின் வாழ்க்கை பற்றி வரலாற்றுப் போக்கில் அறிவதற்கு இந்நூல் உதவுகிறது.<ref name="தஇவ"/>

== காப்பியப் பகுப்பு ==
பெரியபுராணம் முதல் காண்டம், இரண்டாம் காண்டமென இரு காண்டமாகவும், முதல் காண்டத்தில் ஐந்து [[சருக்கம்|சருக்கங்களையும்]], இரண்டாம் காண்டத்தில் எட்டுச் சருக்கங்களையும் உடையதாக அமைக்கப்பெற்றுள்ளது. சுந்தரமூர்த்தி சுவாமிகளின் [[திருத்தொண்டத் தொகை]]யில் இடம்பெற்றுள்ள பாடல்களின் முதல் வரியே சருக்கங்களின் பெயர்களாக உள்ளது.

காப்பிய கதையானது [[கையிலாயம்|கயிலாயத்தில்]] தொடங்கப்பெற்றுச் [[சைவம்|சைவ அடியார்களின்]] வாழ்க்கையை விவரித்து, இறுதியாகக் கயிலாயத்தில் முடிகிறது.

'''முதற் காண்டத்தில்,''' 
# திருமலைச் சருக்கம், 
# தில்லை வாழ் அந்தணர் சருக்கம், 
# இலை மலிந்த சருக்கம், 
# மும்மையால் உலகாண்ட சருக்கம், 
# திருநின்ற சருக்கம்

என்ற ஐந்து சருக்கங்களும்,

'''இரண்டாம் காண்டத்தில்,'''

# வம்பறா வரிவண்டுச் சருக்கம், 
# வார்கொண்ட வனமுலையாள் சருக்கம், 
# பொய்யடிமையில்லாத புலவர் சருக்கம், 
# கறைக்கண்டன் சருக்கம், 
# கடல்சூழ்ந்த சருக்கம், 
# பத்தராய்ப் பணிவார் சருக்கம், 
# மன்னிய சீர்ச் சருக்கம், 
# வெள்ளானைச் சருக்கம்

என்னும் 8 சருக்கங்களும் அமைந்துள்ளன.

13 சருக்கங்களிலும் உள்ள பாடல்களின் எண்ணிக்கையும் அவற்றில் பேசப்படும் சிவனடியார்களின் எண்ணிக்கையும் பின்வருமாறு:

{| class="wikitable"
!சருக்க எண்!!பாடல்கள்!!அடியார்கள்
|-
|1||349|| -
|-
|2||201||7
|-
|3||422||7
|-
|4||298||6
|-
|5||633||7
|-
|6||1734||6
|-
|7||303||6
|-
|8||115||8
|-
|9||41||5
|-
|10||47||5
|-
|11||24||7
|-
|12||58||7
|-
|13||53||1

|}

== பழமொழி ==
நான்காயிரத்து இருநூற்று எண்பத்து ஆறு (4286) செய்யுள்களைக் கொண்ட இப்புராணத்தில் ஆளுடையபிள்ளை எனப்படும் [[திருஞானசம்மந்தர்|திருஞானசம்பந்தரின்]] வரலாறு மட்டும் 1256 செய்யுட்களால் விரிவாகக் கூறப்பட்டுள்ளதால் "பிள்ளை பாதி; புராணம் பாதி" என்கிற [[பழமொழி]] ஏற்பட்டது.

== பெரிய புராண ஆராய்ச்சி ==
[[இராசமாணிக்கனார்]] எழுதிய [[பெரியபுராண ஆராய்ச்சி]] எனும் நூல் பெரியபுராணத்தைப் பற்றிய குறிப்பிடத்தக்க நாட்டுடைமையாக்கப்பட்ட நூல்.<ref>http://www.tamilvu.org/library/nationalized/pdf/03-rasamanickam/periyapuranamarachi.pdf</ref>

== இவற்றையும் பார்க்கவும் ==
* [[நாயன்மார்கள்]]

== மேற்கோள்கள் ==
{{Reflist}}

== வெளி இணைப்புகள் ==

{{சைவ நூல்கள்}}
{{தமிழ்க் காப்பியங்கள்}}

[[பகுப்பு:பெரியபுராணம்| ]]